علام مشعل مايجيب المنادي =ماهي بعاداته ولاهي بالا طباع
وش فيه مايلعب ولاله مرادي =ولا عاد يلحق كورته في ثرا القاع
أمك وأبوك بفكرهم شي عادي =إنك تشوف هواش وصراخ ونزاع
وقامو بسكرة غيضهم للعنادي = وإبليس ثورها وثارت بالا وجاع
صابوك ياغافل بهم ونكادي = وخلو مزاجك يختلف عقب الابداع
تو الركايب ياغليم إتقادي =وحمولها بظهورها جتك نجاع
وتو الغمام الي مع الجو بادي = ماهل من مزنه علي الضلع قلاع
وتو البحر بالموج م بعد زادي = وماشفت بالغبه جراجير وسباع
وتو السهر ماجاك وعفت الرقادي = من هاجس دك الحنايا والاضلاع
نبذة عن المقبل وموجز وكادي = ياطيرشلوا لاتخوِف وترتاع
أنا عن الي فاختك لك ودادي = حتي تصير بقمة المجدطلاع
فيك من أبوي الصامله والرشادي = ولفتات عينك تجعل القلب ينصاع
أنته حفيد الشيخ راعي المبادي = مايبدي الشينه مع الدين مطواع
صيته مع العربان حضر وبوادي = وكل بفعل الشيخ يذكر له اوضاع
لعله بجنه وظلٍ برادي = ولعل قبره روضةٍ زهرها انواع
وصلاة ربي عد نبت الحمادي = وإعداد ماغني علي الغصن سجاع
علي نبي مرسلٍ للعبادي = بالعفو والرحمه وتمكين الاتباع

وتو البحر بالمـوج م بعـد زادي = وماشفت بالغبه جراجير وسبـاع

صح الله لسانك

يا ابو احمد

على هذه القصيده

كفيت ووفيت في وصف ونقل الصوره على شاشه واضحه

ولاتحرمنا من جديدك



دمت سالم