يازين لزم الصمت في بعض الاوقات=في حينها لو كان يشري شريته
من شأن مايلحق على النفس لومات=واقول وســط النفس ليته وليتـه
ياللي تقول ان كل ما فات قد مات=يبقى الفشق من فردك اللي رميته
في الناس مقرود وفي الناس شمات=وأن ماوطاك العيب ولا وطيته
اما لحق قولي براهين واثبات=والا كلام يجمل اليا حكيته
باصون نفسي عن غزير المتاهات=شيهان في روس الطويلات بيته
يكفيني في الرجال الثقل والانصات=لكن ليا منك بغيته لقيته
بعض العرب له في المناقيد سجات=وبعض السوالف تهدم اللي بنيته
ناس تموت وصيتها حي ما مات=من طيب فعله يرتفع صيته
باصون نفسي عن غزير المتاهات=شيهان في روس الطويلات بيته