قالو توفى قلت مرحوم مرحوم =عساه للجنه حميد السجايا
ياما أكبر الفجعه وياما اقشر اليوم=يومن مامثله يوم ماله حلايا
الكون ظلم والحزن جاله ارسوم =والدمع فوق الخد مثل السرايا
صرخت صرخت من عن الديد مفطوم =ونيت ونت من عظامه شظايا
"فاقد عزيزن ماوطى سكة اللوم=الي مكانه بالضلوع الحنأيا
"واللي اليا جات المواقيف زيزوم =وعوق الخصوم اللي يحل القضايا
زبن الدخيل وملتجى كل مظلوم=طلق اليمين ونبع بيض النوايا
اللي حجاجه مسفهل دايم الدوم =واللي على الطاعه عروقه ضمايا
تشهد له الصدقان مع نايد القوم =ويعلم به اللي عالم(ن)بالخفايا
لو القدر ينرد ﻻ‌طيح وأقوم=مير القدر من عند رب البرايا
الواحد اللي فأرض الحج والصوم=منشئ هماليل المزون الملايا
يارب ياعله على النار محروم=وعساه للجنه حميد السجايا