منتديات البدارين

منتديات البدارين (http://www.albdarain.com/index.php)
-   ديوان الشاعر فلاح مشعل ابو خطيمه البدراني (http://www.albdarain.com/forumdisplay.php?f=111)
-   -   يازين شوف البل ليال المرابيع (http://www.albdarain.com/showthread.php?t=8604)

عبدالمطلوب مبارك البدراني 02-08-2011 10:33 PM

يازين شوف البل ليال المرابيع
 
قصيدة الشاعر الكبير فلاح مشعل البدراني



البارحـة عيني من السطح لريــع =يجذبني خيالً تعزل ضبابة
ياحميـد هات الجيب نبغى المطاليــع =وأن ماطلع راعي الهواء واعذابة
يازين شوف البل ليال المرابيع =اليا تبع نو السحابة سحابة
سودٍ وغلاهن نشري فية ونبيع =الياشافهن الشايب تجدد شبابة
أوبارهن مثل الجوار المصاليع =ووجيههن ياحميد مثل الذيابة
شوف العشاير مبعدات المراميع =أخير من مجلاسنا بالخرابة
من مجلس فية الأواني صلاليع =خيب وطيب والرجل عند أدابة
فيهم خبول ماتعرف التسانيع =وفيهم رجالً ضلهم يلتجابة
يشيم الخيب بشيمت بواتيع =يعاتب الطيب على شان جابة
وأنا تراي أطاع بالراي واطيع =اليا غدا براية ردي المهابة
غديت بالطوشة مع أهل المشاريع= ومن جامل العالم غدو في حسابة
لية ذهيب ضاع من عرض مايضيع =دونة طلابة ولالنا بالطلابة
وأسند على اللي والليالي مضاريع =اللي على المعنا يجيد الاصابة
صعصيع من روس الرجال الصعاصيع= وأسند على سليمان وأطلب جوابة
أسمة بعبر البادية ذيع ثم ذيع =من روس ربعي درعنا بالحرابة
حبيت أوضح له بعض المواضيع= والا الزمان اللي غدابي غدابة
وجدي على دورن عطانا التواديع= توديع مرحومً يوزع زهابة
فية البدو تتبع حسين الذعاذيع =ومع شربة الماء العد ينزل جنابة
اليوم راحو يابو خالد تمازيع تمزيع =نفيضُ سريعَ سحابه
تمت وعند الله دخول ومطاليع =والخير لهل الخير مفتوح بابة

تركي الزايد 03-08-2011 03:18 AM

صح لسانك يابو ناصر

ولسانك ابو محمد

تحيتي

الشاعر بدر راشد 04-08-2011 11:59 PM

مشكور يابوناصر على النقل المتقن بيض الله وجهك
الشاعرفلاح بن مشعل البدراني صح لسانك وبيض الله وجهك ياقمة الشعر
واقول المتذوقين الشعر اقرو لشاعر فلاح بن مشعل البدراني تجدون مايرضيكم اطال الله عمرك يابومحمد
لك الوفا والتقدير والاحترام



الشاعربدرالبدراني

خالد 05-08-2011 09:32 PM

مشكور يابو ناصر على النقل


وصح لسان ابو محمد ....

ابدااع ليس مستغرب من هرم شعري مثل ابو محمد ...

محمد بن جعيثن 09-08-2011 08:02 PM

عملاق ينقل لعملاق

ابوناصر
دائما مبدع فى النقل وفى الطرح

لك الود


الساعة الآن 12:57 PM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM