من لاحسب لي بانفله نفلة الزرف
 

هات القلم والطرس وأعطوني الظرف =
هاض الفؤاد وودي اولف أبيات
ابيات ما ولفتها في هواء الترف =
رسألة لأهل الوجيه النقيات
لأجل المعاني من كمرها لها صرف =
تصرف هلل وألا تقدم جنيهات
على ماأريد اعسف قافي على الحرف =
يجيك وافي مثل سلم الريالات
وإن ماعسفته يشتموني هل العرف =
اللي لهم ف (معالج) الشعر وقفات
يالو بغيت أغضي عن أهل الخطأ الطرف =
الصبر له حزّه وللحزم حزات
المرجلة ما تنغرف من صحن غرف =
المرجلة صعبه على كل مرقات
ياعين حذرا لايجي خدي الذرف =
على المقفي ما لحقني حسوفات
ومن لا حسب لي بانفله نفلة الزرف =
لاصار فاضي ما يخوض المهمات
ما فاد يالو يملك العفر والشرف =
ويملك ملايين الذهب والعمارات
خله يولي دام هايف على جرف =
قد قالها قبلي هل العرف مرات

عبدالمطلوب البدراني

صح الله لسانك يا ابو ناصر على هذه الجزله