منتديات البدارين

منتديات البدارين (http://www.albdarain.com/index.php)
-   المحاوره (http://www.albdarain.com/forumdisplay.php?f=42)
-   -   محمد البدراني والشاعر شبيب العتيبي ((محاوره)) (http://www.albdarain.com/showthread.php?t=2586)

محمد عبدالمحسن البدراني 15-06-2007 05:16 AM

محمد البدراني والشاعر شبيب العتيبي ((محاوره))
 

محمدالبدراني;

ياسلام الله سلامن كثر رش الغمـام=من مزونن يقتفي وبلها ظرب بردي
من يجي ويحط في كف يمناه الخطام=قبل يسبق جيته واحدآ عرفـه ردي

..
.
.


.
.
.
شبيب العتيبي:
مرحبا ترحيبةٍ تاصلك وقت الدوام=تاصلك مخصوص مني ولاضاع جهدي
استلمت اخطامها وحتميها فالمقام= شفتلي واحد مع الحزم جايك وإعدي
.
.
.
.
.
.
محمدالبدراني:
البقابك ياحـزام القبيلـه بالزحـام=البقا واردهـا ياهلابـك يابعـدي
النجوم تبين ياصاحبي وقت الظلام=وانت مثلك خابره مايطوفه مقصدي

.
.
.
.
.
.


شبيب العتيبي

ماعلاكم زود ياذيب عالين المقام=ياشبابه لابتي ياشبابه مسندي
قلتها وقولها دام مايفهم حرام=ماتجي لوجاك ياذيب يطرخ وهبدي
.
.
.
.
.
محمدالبدراني :
لاتضيع زهبة البندق اللي بالحزام=قبل ترقى الضلع وتشوف جره للجدي
مقصدي دارآ بها شفت من داس النظام=شعبها مابين طيب وجاهل واجودي


.
.
.
.

..

.




شبيب العتيبي
انت ويش اتقول ياذيب وش هاذا الكلام=من يدي من بعدشوفه على الناظر مدي
يامحمد ديرةٍ كاثره فيها الهوام=جيت اقوم شيخها راح يمشي وإحدي
.
.

.
.

.




محمدالبدراني;
البلا سكانها من خوال ومن عمام=والبناخي قمت اشوفه بجده يقتدي
ياشبيب الهمس يزعج خفيفين المنام=كيف والبندق فهقها علينا المعتدي
.
.
.
.
.
.شبيب العتيبي;
يامحمد روحو قل على الدنيا السلام= مافهمنا رطنهم راح صمٍ مع بدي
لو تدير الدائرة مايصحيه العسام= ولوتصعق فيه معاد دون الاحمدي

.
.
.
.
.
.
.
محمدالبدراني :
ياشبيب ان جيتهم خص هاذاك الغلام=بلغه من بعد ذنبه يذكيله فدي
الصقور اشوفها عودت مثل الحمام=خيرة الله عن حسامن قضبته في يدي

.
.
.
.






شبيب العتيبيي

يامحمد كان خشم الولد جاه العرام=حيلة الله وكبرا ولوماهوب ولدي
باقٍ ياخوك ماشفت وش سوا النعام=يوم لاح البرق والسيل جايله ودي
..
.
.
.

.
محمدالبدراني :
.
كل طيب مكسب الطيب له شف ومرام=مانلومه لو مع الدرب الايسر يحتدي
الجمل لايسرحه صاحبه لرضن وخام=لوخيال الوسم يبرق عليه ويرعدي
.

عادل البدراني 20-06-2007 07:05 AM

شاعـرنا الغالي

محمد عبدالمحسن البدراني

صـح لسانك ولسان الشاعر


وسلمت ودمت وعساك على القـوهـ


والله يعطيك العافيه

السيسبان 20-06-2007 07:12 AM

شاعرنا المبدع

ابو عبدالله

صح لسانك ولسان الشاعر

والله يعطيك العافيه


تقبل خالص الود

عبدالمطلوب مبارك البدراني 29-11-2007 05:02 PM

ابو عبدالله

صح لسانك وبيض الله وجهك

وصح لسان الشاعر شبيب العتيبي

وتقبل مروووووووووري ولك تحيااااااااااااتي


الساعة الآن 04:54 AM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM