بديت باسمك ياكريم ويارحيم وياودود= يامن إليك الملتجأ والبعث وإليك النشور
من بعد ذكرك شاعرمواطن وجيت اثبت وجود =بمناسبة شفا ملكنا الملهم الشهم الغيور
فرحة وطن فرحة مواطن في شفا اسدالأسود =فيها ابتهاج للقلوب وفيه شرح للصدور
حنا على عهد الوفا عهد الاباء عهد الجدود =نوصي ابنانا عليه اليا انتقلنا للقبور
في كل يوم الشعب في خير ورفاهيه يزود= الأمن ثابت والمخرب بيننا ماله عبور
كل مخالف في دين الله مصيره وسط اللحود =والشعب من دون الوطن واهل الوطن دمه يفور
تعيش ياقايد وطننا واعتبرنا لك جنود =نقول ياعبدالله امرك عند صعبات الأمور
والنعم بحكام شرع الله صديقين العهود= والله مافيكم ظلوم ولا ميول ولا بيور
عدوهم عدونا نسقيه من سم الكبود= اقولها واعيدها وارفع بها الصوت الجهور
حنا اهل الشده اليا جت ساعة الشده نجود= يشهد جبل دخان والخفجي هذا مافيه زور
يومن يبين به الشجيع ويختفي فيه الشرود =سهومنا وسيوفنا ماتضرب الا بالنحور
يالله تسكن آل سعود جنات الخلود =وتبقى لنا الحيين ذخر وشعبهم فيهم فخور
الفضل بعد الله لكم مايجحده غير الجحود =رغمن على انف اهل الحسد واهل الفتن واهل الفجور
عيال عودن وحد الدوله وشعبه له شهود =يالله تغفر ذنب ابو تركي بلطفك ياغفور