البارحه يوم الا وادم خواشيع
 

البارحـه يـــــــوم الاوادم خواشـيـع
في نومها وناعلى الكـوع واعـي

هم(ن)يمزع سترة القلـب تمـــزيـع
تقول ينهــش ثومة القلـب افاعـي

خذت القلم من بين روس الاصابيع
وحبيت اميز سيرتـي وانطباعـي

عزلت من صدقان عطلةالاسابيـع
وعزلت من ضحك الوجيه الصناعي

وعزلت من بنين بامالي مشاريـع
جميد برد ولانس الشمـس ماعـي

وعزلت من زرع الخلـي البــلاقيـع
وعزلت من رفــــع الثنيـه رباعـي

من نفعة اللـي ماطلبنـي منافيـع
جميلة(ن)في غير اهلهـا ضياعـي

في اسواقها ماعاد لشري ولابيـع
لخطيت من رفقة طويـل الـــذراعـي

اللي على الرفقه يسوقـه دوافيـع
هـذاك تشـرى رفقتـه ماتبــاعـي

امايشجعني على الطيـب تشجيـع
والايعلمنـي حمــــــيـد المسـاعـي

والا ليـــامنـه رمعـنـي روامـيـــــــع
وضاقت على كل الفجوج الوساعي

جيته ويسرلي عســــيـر المواضيـع
وخلاخفايا خاطـري لـه وســـاعـي

معرفتـه ماهـي معرفـة طماميـع
ماتنتـج الاالغطرسـه والضيـاعـي
الشاعر سعد بن جدلان

من نفعة اللـي ماطلبنـي منافيـع *********** جميلة(ن)في غير اهلهـا ضياعـي

صح لسانك ولسانه
لو ماقال ابن جدلان الا هالبيت يكفي
شكرا لك على هالقصيده يابن مرزوق وتقبل مروري
,,,,,,,,,,, اخوك سفير الحميدات

الاخ بن مرزوق

صح لسانك ولسانه

لك خالص الود

الاخ ابن مرزوق صح لسان الشاعر سعد بن جدلان والله يعطيك العافيه

على نقلك رائعه من روائع سعد بن جدلان والله لايهينك