لاتتصل ماني على الصوت شفقان..!.
 

لاتتصل ماني على الصـوت شفقـان
وفـر كلافـة عنـوتـك واتصـالـك

اللي زعل يبقى على طـول زعــلان
ومشكور ماقصـرت يكفـي سؤالـك؟؟

مامشي ورى المقفي لو كـان ماكـان
اعز نفســي ، صـوب رغبـة وصالـك

صحيح أحبـك مولعـاً فيـك هيمان
وصوتـك يسافربـي لعالـم خيالـك

لكن حبـي لـك ألـه اربـع أركــــــان
من دونهـا عنـدي، قصيـره حبالـك

عزي ؟ وفهمك ؟ كلمتي ؟ وزود تحنان
وايضاالوفا وأبشر بقلبـي وفالـك

وأنكـان ناويهـا صـدوداً وهجــــران
لابـوك، لابـو الحـب لابـو جمالـك

أحقرك وانهي عشرتك (ذل) حقـران
بهيبـك لينـه، يخيـفـك أضـلالـك

ماقد سمعـت بـذل أنسـان لا انسـان
منـي خـذه لاتسمعـه دوك جـالـك

لاتحسبيني شخـص بالسهـل ينهان
منهو نواهـا محاولـه صـار هالـك

لاتتصل ماني على الصـوت شفقـان
وفـر كلافـة عنـوتـك وأتصـالـك

اللي زعل يبقى على طـول زعـلان
ومشكور ماقصـرت يكفـي سؤالـك ؟؟

الغالي / بدراني القصر

دائما مميز في النقل الرائع وسلمت يمنك

تقبل تحياتي


ولـــــــــد البدااااريـــــــــــــن