منتديات البدارين - شاعر الغربه يمدح منصورالبدراني

بسم الله الرحمن الرحيم

هذه القصيده لشاعر الغربه / الشاعر الكبير / شبل ابن عصيم الميزاني المطيري
يثني على / منصور بن ناصر بن خالد البدراني

البيوت إتحـــــــــداني وأنا اتحدى
إن جزلات الطــــــــواريق تعصاني
لــــــــــو بغت عني تعدى ماتعدى
ماتعــــــــــــدى دام بالكف العناني
ودام جت للمــدح منصور المبدى
ابلجن من حـــــرب طيبه ماخفاني
قــــــــد تعشى يوم غيره ماتغداء
من علــــــوم الطيب جعله مايهاني
جــــــــاذبه ناصر ويبطي ماتردى
الحصان ابن الحصان ابن الحصاني
ياخذ من العــــــود طيبه ويتقدى
في فعــــــول العود جعله للجناني
لـــين في قمة هضاب العز عدى
وصــــــار له في قمة العليا مكاني
طيبن كفه على الطـــــاله يمدى
لاقصروا عنها قصــــــيرين اليماني
للعلــــــــوم الغانمه دوم يتصدى
محتزم للطيب في كـــــل المعاني
واشهد انــــــه لاوقف كفا وسدا
ماحسب للوقت لـــو الوقت شاني
اعشق الطيب واماري فيه جدا
كلمة لسبيع مدري لقحطـــــــــاني
قالها اللي لاقصد شعره يشدى
يعشق الجزلات وبيوتن سمـــــاني
وان بغيت الصدق والقول المبدى
انت بدراني واعدك من اخـــــواني

شاعر الغربه
الشاعر / شبل ابن عصيم الميزاني