اسمع كلام الصدق ف( الامثالي)
في راس مرقاب طويل وعالي = أجمع شتات افكاري المنثورة لو ما طلعت الرجم كان اشوالي= بانت هواجس خافيه مستورة لا وهني المستــــريح السالي = اللي ما همّـه غير لعب الكورة يتابع الشاشات والارسالي = ويحلــل اللعبــــة بكــــــل الدورة وانا هواجيسي كبـــار ثقالي = ياكم شوير ما نفعــني شــوره وعن من نخاني ماتجذ حبالي= واشره على اللي رفقتـه مبتوره للطيب واهل الطيب اشد رحالي= واترك بيوتٍ ماهي بمعموره اسمع كلام الصدق ف( الامثالي) = كلٍ يقيس الامر من منظورة وإن قلت اناابرهن جميع اقوالي=علم المعرفة غصت وسط ابحوره واسمع نصيحه جالها مجالي = والهرج واجد مانــــفع مكــــرورة احرص على تقوى العليم الوالي= اللي عبد ربه يزيد ســــــــروره وكمل فروضك وانتبه ياغالي = واترك طريق العالم المغروره والوالدين اللي لهم منزالي = تبرهم والهـــرج تترك زوره وكرّم ضيوفك ياعريب الخالي= الرجل لضيوفه يجي مقدوره والجار تعرف قدره الرجالي = عزي لمن جاره تضيق شعوره دون الخوي خلك سوات الصالي = خلك كما حيد صعيب عبوره اعطيتك الزبده وعلم جلالي = والا كثيــــــر اوامـــــر محذوره واللي بذا الدنيا طمع متعالي = يحــــــذر تواليها ترى ممروره دنيا تقلب بين مـــــــرٍ وحالي = ماجورة نفس العنى ماجــوره من قبلنا راحوا بها الابطالي = يقال ذاك فلان وين عصــوره تدرج سوات ادراجة المحالي = الله يكافي وقتنا وشـــــــروره والدلو لامنه ضرب بالجالي = يضيع ماه ولا يقوم بــــدوره وعد الحجيج وعد سيل سالي = صلو على اللي عم الامة نوره |
في راس مرقاب ن طـــــويل وعالــــــي اجمع شتات افــــــكاري المـــــــنثوره
عز لله صـــــــــــــح الـــــــــــــــــسانك صح السانك علا الـــــــقصيده جزله وصح الســــــــــــــانك |
الاخ الغالي سعود بن محمد بن راجح صح بدنك
ويعطيك العافية على مرورك العطر لك فائق احترامي |
صراحه يا بو ناصر قريت اغلب ما في ديوانك كلها جميله ورفيعه المستوى لاكن اعجبتني هذا القصيده وكذالك قصيده لك مطلعها
اهوى البدو وهوى الجبل والصحاري // واحب اعدي عاليات المراقيب ولذالك صح لسانك كل ما تطرح له قابليه تحياتي. |
الاخ الغالي / ضيف الله عوض البدراني
سعدت بمرورك العطر لك فائق التحية والتقدير |
الساعة الآن 07:17 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM