منتديات البدارين

منتديات البدارين (http://www.albdarain.com/index.php)
-   ديوان الشاعر جهز بن عوض ابن غليفيص (http://www.albdarain.com/forumdisplay.php?f=133)
-   -   قصيدة الشاعر جهز عوض في الشيخ فواز فالح السليمي (http://www.albdarain.com/showthread.php?t=9029)

خالد 17-11-2011 10:01 AM

قصيدة الشاعر جهز عوض في الشيخ فواز فالح السليمي
 
هذه القصيده رد ثناء بالشيخ فواز فالح مفرج السليمي الحربي ,
وذلك لما قام به من عمل يشكر عليه وان فعل المعروف ليس غريب على الشيخ
فواز وان فعل الطيب من عوايده , ارجو قبول هذه القصيده والمعذره عن النقص لانه مهما
قلنا لن نوفي ابو سلطان حقه من المدح والسلام :-

الله على اللي جهزوها برادار=يحسب مجال ابعادها في فضاها
يوم استقلت ماتميز بالأنظار=مسارها بين البروج وسماها
ما صمموها للمشاكل والأخطار=حط السلام اشعارها اللي بناها
سواقها برتبت مقدم وطيار=نال العلا بدراسته واعتلاها
رمز السعوديه لها فن وشعار=هي منوتي وأمر الكريم يحماها
كلفتها بيصال ما بين الاسطار=صدق المشاعر والوفاء مبتداها
ونصيتها لمدله الضيف والجار=رجلاً يقول السالفه ويحماها
فواز بن فالح مواريث الأخيار=أهل البيوت اللي رفيعاً بناها
ريف الضعيف اللي عليه الدهر جار=ملجي الوحيد اللي همومه شكاها
شيخاً ولد شيخاً لهم صيت وذكار=من خلقت الدنيا الا منتهاها
راع الوفاء راع السخى راعي الكار=سلايل اللي فكها واحتماها
انشر له البيضاء بعد صايراً صار=يوصي بها حي العرب لو رثاها
ساعت لفيته ماتعذر بالأعذار=وقف مواقيف الرجال وشراها
حراً بمخلابه سعد كل صغار=طلق اليمين اللي ندياً نداها
من لابتاً يوم المفادى بالأعمار=ذيدانهم ترعى الخطر من حماها
لاصاح صياح الضحى والدخن ثار=ياسعد منهم فزعته في لقاها
يروون حد الشلف من دم الأزوار=كرام السبال اللي جلين نقاها
عدؤهم كنه على صالي النار=وصديقهم بالعاليه من حجاها
ما قلتها في طايل القول هذار=كلمت وفاء واهل العمى في عماها
رد الثناء واجب على كل الأحرار=وأنا مع أهل الطيب وامسك سراها
وتم الكلام اللي نظمته بالأشعار=تعبير عن خاف القلوب ولغاها
ومني لبو سلطان مليون تكرار=سلمت يا شيخاً بجهده ثناها
وتمت وصلى الله على سيد الأبرار=أعداد ما هلت هماليل ماها
من مزنتاً غرى من الوسم مبدار=هلت هللها وستكنت هواها

الشاعر : جهز عوض البدراني

عبدالمطلوب مبارك البدراني 17-11-2011 04:07 PM

صح لسانك وعلا شأنك وسلم بنانك

شاعرنا جهز عوض البدراني قصيدة رثاء رائعة

روعة شاعرها

لك الشكر الغالي خالد

دمت بحفظ الرحمن

فهد نفيع البدراني 17-11-2011 11:10 PM

صح لسان الشاعر المبدع
جهز البدراني

ويعطيك العافية
ياخالد


الساعة الآن 05:18 AM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM