لا تجي بيـت العنـود ولا تمـره=الحذر ياللي على عمـرك تـداري
فر قلبي يوم شـاف الزيـن فـره=فر طير ٍ شايفٍ جـول الحبـاري
شفت زيـن ٍلا بـلاك الله بشـره=ما دريت انه لذبح الناس ضـاري
قلت عطني من ثمانك بـس مـره=قال ما يكسى العرى ثوب العواري

ليه يا عباس بيتـه مـا نمـره=كيف تنحى واحدٍ للزيـن سـاري
أحسب انك لي صديق و بك مسره=ما دريت انك عدو ٍلـي مبـاري
الحيـا لـو انتحـى لازم نمـره=ما كتب الله على المخلوق جاري
عارفين من المسـره والمضـره=ولا يدرّس بالمدارس كود قـاري
العنود سهيل والبيـض المجـره=فرقهن فرق الفتيل عن السـواري
العنوده يالعنـوده واخـت سـره=بس يطرقها الزميـم والخـزاري
يوم لبست ثوبها الاصفر و مـرّه=يا شبيهة مهرة ٍ للشيخ ضـاري
غير سود عيونها ما احلاه غـره=مثل وصف البدر بأيام الغـداري
كم قلب مولـع ٍ راحـت تجـره=عرضته الجال ودروب الخطـاري
أشهد ان مقابلـه عـز ومسـره=عاقل ومع عقلها زيـنٍ إجهـاري

العنود سهيـل والبيـض المجـره=والفتيل أجناسها واهن السـواري
العنود اهي العنود وأخـت سـره=أخس يا كذبان ما تدرى المـداري
أنت يا عباس جايـن فـي مغـره=قلت هرج ٍ ما انت عن قصياه داري
يمكـن انـك ذايـقٍ منهـا مبـره=من طرف لازمك تمدحها اجهـاري
تحسب الدعوى على قانـون حـره=وانت معـك ألفيـن ورّادٍ امبـاري
قالوا ان العيش في ثوبـك تصـره=لمها شافوك بالبخشيـش سـاري
عيشتك قشرى على صاحبك مـره=ما تخفّت طعمتـك الهـا مـواري
حالفٍ ما أطلقك يـا عبـاس مـره=لين تيبس مثل دغلـوب الخبـاري
ثم هرج الصدق يرجع فـي مقـره=أنت تطلب صلحنا غصبٍ اجهـاري
ما اعترضك مار انا جيتـك بجـره=والعرب باسلوبها تتلـى الأثـاري

تو ما هب الهوى والعيـن قـره=واستراح القلب عن كثر الطواري
يـوم بـان الهـرج للفـزّاع دره=توها ذيبـه يـدور لـه مبـاري
فزعة الديري مثل غزو الصفـره=تو يكرب محزمه غادا القطـاري
يذكر انه موقـفٍ بالشعـر مـره*=والرخم سلطان مع وسط الصباري
يا رزين من الصحابه عـد مـره=ما ذكر بالقيض ينقعن الخبـاري
موجب ان الناس كلٍ فـي مقـره=دون حقه وانت يالديري تـداري
لا توهق كان ما تبغـى المضـره=الدوى يالجرح يشرى بالمصاري
جنّب الديبان واترك عنـك شـره=يا قليل الفود وش لك بالخطـاري
قمت يالديري خرابيطـك تجـره=من عمى رايك تعرضت الجواري
لو تحصّل مثلها ما صمـت غـره=كان تسري بالظـلام وبالقمـاري