منتديات البدارين - هذا السنه عيــــد الوطن صــــــار عيدين

الذكرى التاسعه والسبعون لتأسيس هذه البلاد ذكرى عظيمة لبلادنا الغالية والعالية بإذن الله تعالى ذكرى التأسيس لهذا الكيان على يد المغفور له بإذن الله الملك الامام عبدالعزيز بن عبدالرحمن ال سعود ومهما قلنا شعرا او نثرا لن نوفي هذا البطل ولا هذا الوطن حقه وهذه القصيدة اتت احتفاء بهذه الذكرى أمل أن تحوز على رضاكم

هذا السنه عيــــد الوطن صــــــار عيدين=عيد رمضان وعيد ذكـــــــرى عظيمه
ذكرى الوطن ذكرى الرجال الشجيعين=بقيــــــادة الفيصل قـــــوي العـــزيمه
عبد العزيز أبن الكــــــرام الكريميـن=شجيع وافــــي والايــــــادي كريمــه
جاها ومعه من الرياجيـــــــل ستيــــــن=اهل السطر وأهـــــل النوايا السليمه
شجعان قــــــوم ودونـــها مستميتين=ما فيهم اللـــي ما يجنـــــدل غريمه
عدوهــــم من فعـــلهم يـذرف العين=من فعل ابو تركي يجـــــر الهزيمه
ونادى المنادي وسط كــل الدواوين=الدار لابن اسعود واصبح زعيمه
واستبشرت دار الوفاء وأنقضى الدين=الحق قـــــام وطاح قـــوم الظليمه
كانت قبائل ترجع الصاع صاعين= عـــــداوة مـــا بينــــــهم مستديمه
قتل وسلب ونهب واشين من الشين=ونفوس تزهق دون ذنب وجريمه
عدل وساوى فالحكم بينهم بين=توالفوا عقب الحروب القديمه
جمّع شتات اقصينــــــهم والموالين=أخوان كل له مــــــوده وقيــــــمه
يا الله يامنزل تبــــــارك وياسيـــن=عساه بالجنّه وزايــــــد نعيــــــمه
ويا الله تغفر للملــــــوك المياميــن=أهل القلوب الطيــــبة والرحيـــمه
ال السعود مرجحين المـــــوازين =في حكمهم نهنا عسى الله يديــمه
واحفظ زعيم المملكه خادم الدين=العدل أقامه يوم ما احــــــد يقيمه
وصلو على محمد عداد الملبيـــن =وعد السحاب ان زاد وبله وغيمه

عبد المطلوب البدراني