قصيده منقوله للشاعر محمد الحداري وهي مساجله بينه وبين سيارته
 

كان الشاعر محمد الحداري معه سيارة وايت قبل أنتشار السيارات مثل هالحين
وفي يوم من الايام خرب نور السيارة فأظطر الحداري انه بعض الاحيان ينزل ويتفحص الدرب على رجليه ثم يرجع ويسوق السيارة لا جا مع الأرض الحزوم شاف الخط ومشى عليه ولا جا مع الأرض المشتبه كود ينزل ويتفص الطريق
وفي يوم من الأيام خرب الوايت فتشره عليه الحداري بهذه الأبيات

الحداري :
وراك يالافنس تقل مانت بالحيل ــــــــــ هو غيض ولا علةٍ باطنية
اللي مضا لك ما تململ من الشيل ـــــــــ ولا لك عوايد بالعلوم الردية

السيارة :

دنياك هذي يالحداري غرابيل ـــــــــ يومٍ على غيري ويوم عليه
ياكثر والله ماتحملت للشيل ــــــــــ إلى شكى خطو المهبا خويه

الحداري :
ماني بسبك يابعيد المراحيل ــــــــــ أشره عليك وفي ليال الحمية
إلى امتلت كل الخباري من السيل ــــــــــ حتى ام سالم له الحونٍ عذية

السيارة :
لا تحسبني ماأفهم القال والقيل ــــــــ تراي انا وياك ربع القرية
العام أسقيكم بوسط الغراميل ـــــــــ واليوم اسقيكم بوسط الغبية

الحداري :
متكاثرٍ فعلك بصاحبك يا هطيل ــــــــ وانا مصاريفك تسجل عليه
ويم ان شوفك مايقديك باليل ـــــــــ وانا اتلمس سكتك في يدية

السيارة :
اللي مضى شوفي سوات الدرابيل ـــــــــــ وهذا قدر مابه علوم عليه
غديت انا وياك قصة شمهليل ــــــــــــ وابا السلامه منك فود وحذيه

الحداري :
ياشين حاكمني بحضرة رياجيل ـــــــــ أما لكم ولا صفى الحق ليه
قدام أعلم في سوالفك منديل ــــــــــــ وتنشر قضيتنا لكل البرية

طبعا منديل هو منديل بن فهيد مقدم برنامج البادية في تلك الأيام

مشكور اخوووي على المراده الجزله
اختيار موفق جداا ومراده جميله


الحداري :
متكاثرٍ فعلك بصاحبك يا هطيل ــــــــ وانا مصاريفك تسجل عليه
ويم ان شوفك مايقديك باليل ـــــــــ وانا اتلمس سكتك في يدية

السيارة :
اللي مضى شوفي سوات الدرابيل ـــــــــــ وهذا قدر مابه علوم عليه
غديت انا وياك قصة شمهليل ــــــــــــ وابا السلامه منك فود وحذيه

وتقبل تحيااتي