بيت الشعر
بيت الشعر عنك مانويت بالتوبه
ولا نويت ابتعد عن حمر الاطعاسي *** ** *** استهوي الضو بوجه البيت مشبوبه واستهوي البن يحمس وسط محماسي *** ** *** واشفق لشوف الغضى يبسٍ ومحطوبه وشوف الدلال الصفر يبري تعوماسي *** ** *** وافرح بقرمٍ يكر النار في ثوبه وريحت غضاها يرد الروح لأنفاسي *** ** *** واسعد بشوف الحلال وحزة غروبه ايلا ضوت للعشا تقرع بالاجراسي *** ** *** والبل تبغى العشا ترطي ومشعوبه والراعي اللي مع الحيران محتاسي *** ** *** يازين شوفة نجوم الليل مصحوبه مع بدرها اللي ينور اجمل اعماسي *** ** *** ينعش فؤادي نسيم البر وهبوبه وريح الخزامى ايلا هبت بنسناسي *** ** *** والمهرة اللي عسفها العود باسلوبه من دون سرجٍ ركبها عالي الساسي *** ** *** شيهانةٍ للقنص تطلع ومطلوبة تطلع بعيد وغلاها ماله قياسي *** ** *** بنت البدو شيخةٍ فطنه ورعبوبه تعوذ من كل شيطانٍ وخناسي *** ** *** ايلا لفى الضيف مثل البرق لهلوبه سيفٍ تصاقل بملعب كل الاجناسي *** ** *** ماعمرها جات مخزومه ومغلوبه غندورةٍ والعقل انفوذه سياسي *** ** *** مرغوبةٍ حيل اي والله مرغوبه من مجلسٍ للنشامى فيه جلاسي *** ** *** يانار اكلي حطب ماعندنا توبه حنا البدو دايم نمسي بالاطعاسي |
الغالي الزعيم
السلام عليكم ورحمة الله وبركاته: ينعش فؤادي نسيم البر وهبوبه وريح الخزامى ايلا هبت بنسناسي *** ** *** والمهرة اللي عسفها العود باسلوبه من دون سرجٍ ركبها عالي الساسي *** ** *** شيهانةٍ للقنص تطلع ومطلوبة تطلع بعيد وغلاها ماله قياسي هيضت المشاعر ولاسيما والشتاء على الابواب والبر يزين بعين البدوي ((يابجـاد شـب النـار وادن الدلالـي ===واحمس لنا يابجاد ما يقعـد الـراس ودقـه بنجـرٍ يـاظريـف العيالـــي ===يجذب لنا ربعٍ على اكـوار جـلاس)) تقبل صادق الود |
الغالي ابن سعران
البر زين في عين البدوي دايم ، بس في الشتاء له طعم خاص .. تشرفت بمرورك.. |
مانتي على المرقاد مغصوبه
يالعين مانتي على المرقاد مغصوبه ================== لوطار عنك الكرى يالعين لاباسي
هيض شجوني زعيم الشعر مندوبه =================== اثره على اسمه زعيم ويبعد ارماسي نجم البدارين |
أخــــــي
الزعيـــــــــم الله يعطيك العافيه لاعدمناك استهوي الضو بوجه البيت مشبوبه واستهوي البن يحمس وسط محماسي *** ** *** واشفق لشوف الغضى يبسٍ ومحطوبه وشوف الدلال الصفر يبري تعوماسي *** ** *** وافرح بقرمٍ يكر النار في ثوبه وريحت غضاها يرد الروح لأنفاسي |
الساعة الآن 05:10 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM