ناشدن عن ذبح صـــــــــــامل وسواد = صبحهم ابن سعود في جيش وعتاد
معه الجموع اللي بلا حساب وعداد= هاذا عن اللي حاضرينه ذكرناه
معه بني قحطان وايضا عتــــــيبه = ومعه البقوم وغيرهم من سريبه
ولا ذمهم كلــــن يدور نصــــــــــيبه = مع بيرق سعود العرافه ومنحاه
صـــــــــــــوت عليهم قال عنا تنحم = وأثناء الكلام وصاح ثمن نصحهم
قدام لا تكــــفى جموعي قدحهم = وابن مجيول ينادي لصامل وينخاه
ياصامــــــل اطلع بالمهــــــار الأصــــــايل = واختر من ألبــــــل والبكــــــار المــــــثايل
وإنجو قبل لا يصير صايل وجايل = وإن كانكم تبون منا المناجاه
قال الخلا مير الخلا يا كرام اللحى = تبون أباعـــــرنا وأباعركـــــــــــم فالنحى
عــــــــــــــــــلي الحناث مدام راسي ملــــحى = لشب أنا نار الحرابه من أقصاه
وســــــــــواد يثـــــني عند تال الجهامه = ويمطر عليهم بالرصاص بجزامه
عــــز الله أنــــــــــه ما تـــــــــراعد عظامه = من دونها ابلا يالين راسه افداه
خيل العافصيه وأنا أخو جملا = والأرض من دم الرياجيل تملا
وخيل العافصيه راعي همــــــــلا = من دونها هاذا مصيره ومجزاه
ومن الصباح لين وقت الظهيرة = وعيالهم خمسه والعزوه منيره
والكل منهم حاضنله ذخــــــــيره = والرمي خاتم والغزو عاف مغزاه
ثم انذبح سواد والحظ طــــــــاحي = والقوم شالو ما بقى بالمراحــــــــي
وصامل من قو السطر بالسلاحي = يرمى بيد واليد الأخرى بشلفاه
ويثاري بخوه بوقــــــــت ساعة مطيحه =ويقــــــــول عــــــــنا مــــــــات والله يبيحــــــــه
راع الكرم والطيب وراع النصــــيحه = واليوم أنا ميت بعد ماخذ اثراه
وعدل عليهم والفرس منصــــابه = وطاحة بوسط الرمك واللابه
ثـــــم انذبح يومـــــن يومه جـــــابه = واخذ بسداد اخوه تسعين جمهاه
ويا ناشدن عنهم منياء قبيلـــــــه = أنشد عن اللي يحتمون الدبيله
اللــــي نهار الكون فــــــيهم جبيله = أما حيي وألا لها الراس يفداه
أهــــــل المجــــــابه في نهار الهـــــيه = مايهمهم كـــــثر العدو ومجيه
مدغوشهم ينطح فالملاقى ميه = ذولي بني بدران وانشد وتلقـــــاه