|
العباة الرهيفه فوق ذيك الردايف=خلت القلب يرجف غصب ماهو بكيفه
اقدم لكم هذي القصيده وانشالله تحوز على رضاكم ,,
العباة الرهيفه فوق ذيك الردايف=خلت القلب يرجف غصب ماهو بكيفه بيت مبطي سمعته واصبح القلب هايف=مير وش فيه قلبي ليه طول رجيفه اول الحب نظره من قلوب سخايف=لعنبو الحب يجرح بالقلوب السخيفه وثاني الحب غفوه في هجوس وطرايف=ويصبح الفكر رايق بالعلوم الطريفه وتالي الحب يكثر في الخفوق الحسايف=لارحل عن دياره ثم فارق وليفه مير وين الذي يجمع حسين الوصايف=دايم يفز قلبي منه لامر طيفه أه واتل قلبي من فراق الولايف = تل من يسمع الضحكه وعينه كفيفه ماعرفت المحبه لين ذقت الكلايف = لعنبوها المحبه للمولع كليفه واخر الحب قلب الشخص يصبح هفايف=مادرى ان المحبه ماتجيله خفيفه حب مبطي عرفته واصبح القلب هايف =مير وش فيه قلبي ليه طول رجيفه ابن شنوت |
اول الحب نظره من قلـوب سخايـف = لعنبو الحب يجرح بالقلـوب السخيفـه
الاخ/ ابن شنوت قصيده مفعمه بالابداع قصيده تنم عن شاعريه تستهوي المفردات المعبره عن لغة القلوب و ما اجمل لغة القلوب0 بانتظار ابداعك0 |
أه واتل قلبي من فراق الولايف = تل من يسمع الضحكه وعينه كفيفه
لله درررررررررررررررررررررك على هذا البيت |
صح لسااانك يابن شنوت
قصيدة جميله وابداع رائع على طارئ العباءه يقول الاشعر سلطان الهاجري جعل صناع البراقع والعبي ********* مايبل الريق من ماء زمزمي دمت مبدعا |
واخر الحب قلب الشخص يصبح هفايف مـادرى ان المحبـه ماتجيلـه خفيفـه صح لسانك قصيدة رائعة من شاعر رائع تحياتي |
| الساعة الآن 11:42 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
