منتديات البدارين - مساجلة بيني وبين الشاعر عبدالعزيز بن لافي الحريبي

مع التحيه والتقدير يابو ناصر

سلام مثل الشهد والطيب مبداه
يحمل مع التقدير فخرٍ يدومي

منصاه ابو ناصر عسى الله يرعاه
صقرٍ على العليا جناحه يحومي

مثل الجبل نايف لمن هو تنصاه
من بيت عرف وحافظٍ للسلومي

رجل الشجاعه والكرم من سجاياه
وليا نصوه اهل اللوازم يقومي

مواقفه دايم وهي تغضب عداه
على الوفاء دايم يسد اللزومي

زيزوم من رؤس البدارين مجناه
من لابة يوم الملاقى قرومي

من حرب كيد الخصم يوم الملاقاه
عدوهم بالحرب دوم مهزومي

يشهد لها العالم من ادناه لأقصاه
أهل الثلاث البيض فعل معلومي

وتاريخهم بالكتب والكل يقراه
في كل دوله له سجل مختمومي

يومٍ كلٍ جابت الكسب يمناه
قسوم ربعي (من علو القسومي)

فريس رمح وسيف ونبال ورماه
بظهور خيل وجيش كعم الخشومي

ورجال حق وعرف وخصوم وقضاه
ورجال جود ونصرة اي مهمومي

قلت الصحيح وكلمة الحق منجاه
حقائق التاريخ ماهي حلومي

ومن يوم ماجاء نا معزي عطيناه
صدق العهود وبيعة بالختومي

عبد العزيز اللي عسى الخلد مثواه
ارسى الامن من عقب كان معدومي

واليوم تنعم مملكتنا بحسناه
وفعل الملوك اللي سوات النجومي

نطلب من اللي (تسجد الناس لرضاه)
ربٍ عظيم وبــِ عـباده رحومي

انه يديم امن الوطن ويدحر عداه
ويعز حكامه وشعبه عمومي

تم الكلام وبالتحيه ختمناه
سلام والتسليم يختم علومي

مع فائق أحترامي ﻻبي عادل
ومعذرة على التأخير والتقصير
بسبب انشغالي الله ﻻ يشغلنا اﻻ بطاعته

يامرحبا باللي خطابه قريناه
....فرايد خلتني يطير نومي

منقية من طيب الشعر وأحﻻه
....معاني جزله عليها الوسومي

من عند أبو عادل عسى الرب ياقاه
....الله يجيره من لهيب السمومي

الله من صدوف المقادير يحماه
....بجاه من له كل اﻻمه تصومي

قرم شجيع يوصل العلم ﻻقصاه
....رجل بميقافه قوي العزومي

فيه الكرم والطيب والعلم يزهاه
....بعيد هقواته لعله يدومي

من ﻻبة تذكر نهار المثاره
....يرفع لها البيرق براس الرجومي

حرابية والبيت معروف مبناه
....من ساس حرب وللمعالي ترومي

حرب الحرايب توصل العلم منهاه
....خصيمهم تكثر عليه الكلومي

مثل الجبال النايفات المسماه
....من فعلهم عدوهم ما يقومي

هذا كﻻم الصدق قول ذكرناه
....شجعان وان ثارت بسيف وسهومي

علم وعرف وإكرام للضيف ودهاه
....رجال بالماقف تسد اللزومي

واليوم رب البيت فضله شكرناه
....أمن وأمان وكل شخص محشومي

في ظل حكام العدل والمساواه
....ملك على حكم الشريعه يدومي

ندعي ﻻبو تركي إذا حل ذكراه
....عساه في جنة نعيم مخدومي

صليب راي ما أحد ينقض ارياه

....جمع شتات أهل الجزيرة عمومي

وفي عهد ابو متعب زﻻل شربناه
....يفداه من يفتك بشعبه ظلومي

وختامها كﻻم صدق أختصرناه
....في عهد من يرفون كل الثلومي

وصلو على محمد إذا حل طرياه
....عداد ماهلت ثعول الغيومي