منتديات البدارين

منتديات البدارين (http://www.albdarain.com/index.php)
-   ديوان غلاب العــــريمه (http://www.albdarain.com/forumdisplay.php?f=68)
-   -   مقتطفات من شعر غلاب العريمه البدراني (http://www.albdarain.com/showthread.php?t=4244)

تركي الزايد 13-04-2008 12:21 PM

مقتطفات من شعر غلاب العريمه البدراني
 
لا واعذابي من عيوني عذاباه=شاقتلها شئ يحير النظر فيه
قالو نسيت وقلت ما والله انساه=ياكود ينسى الغيث حي شقى فيه



وطيت المراح وذكر القلب فيه رسوم=بكن العيون وصافي الدمع جابنه
انا حالف مانساك يابو ثلاث ارقوم=ياكود العذارى طاري العرس ينسنه



انا صابر والصبر زين على راعيه=كم تصبر العذرى على حكم واليها
عسى اللي ظلمني ماتزمه ولا تخطيه=يالين الضريبه فيه تبدي مواريها



فزيت لاسمن سمي له ينادونه=كم يفز النداوي لابرق الريشي
لعل حي حداه وحال من دونه=تمشى على داره حمر الطرابيشي
ذولي يجونه صباح وذولي يهجدونه=وذولي يجونه على وقت المغابيشي
في حامي القيض والماء يدلونه=في ديرة كلهم فيها دراويشي
الكل منهم لغاهم مايعرفونه=من دولة رطنها منه التواحيشي



عمار يادار حي عنك ناحيني=دار لنا باول الهجره نزلنابه
دار لنا بين عاج وفرقيني=عسى تعله من الناوات نهابه
تجي نداير وتقفاها وداديني=يالين سيله تضايق فيه جنابه
تصبري واصبري يالعين عاميني=اظن مذري الهبايب يطلق انشابه
تصبري واصبري والصبر لك زيني=كم واحد طال صبره والولي ثابه
تصبري صبر علي البيه وحسيني=جلوه من ديرته في ضد وحرابه



ياراكب من عندنا صيعريه=والا قعود ماهوى خفه رهوق
كريم يابرق سرى لعبليه=اوسط خياله يشلع الحزم من فوق
وايمن خياله يم ريك وطميه =وايسر خياله يم بلغه وساحوق

مسنده على سعد بن شعوان رحمها الله

وسلااامتكم

بنر دعائي 13-04-2008 12:22 PM


http://www.up4vip.com/up/uploads/0f8da85dbf.gif
لسرعة التسجيل وتفعيل العضويه

1ـ التسجيل باسم لائق ويفضل الاسم الصريح
(يلزمك التاكد من كتابة بريدك الالكترني )
2 ـ تنشيط العضويه من بريدك الالكتروني
(في بعض الاحيان تجد رسالة المنتدى في الجنك ميل )
3ـ الاتصال بالرقم

0557011908

لاعطاء المعلومات والتي ستبقى سريه لن يتم الافصاح عنها

عبدالمطلوب مبارك البدراني 13-04-2008 01:34 PM

الاخ الغالي : تركي الزايد

بيض الله وجهك على نقل هذه المقتطفات الرائعة للشاعر غلاب العريمة


يرحمه الله

لك التحايا

محمد بن جعيثن 14-04-2008 11:35 AM

وايمن خياله يـم ريـك وطميـه
000000000000وايسر خياله يم بلغه وساحـوق

الاخ تركي
مني لك باقه ورد

فغلاب اشعاره من السهل الممتنع
وهى
كثيره
كان يؤرخ الاحداث
مع الاسف الشديد ان اغلبها قد ضاع
ولم يحفظ



وهانت تاخذ البادره وتقوم بجمعه
فلك منا جزيل الشكر


لك الود

احمد بن حزام البدراني 21-09-2008 08:36 PM

الاخ
تركي الزايد

بيض الله وجهك على
النقل للشاعر غلاب العريمة

يرحمه الله

وتقبل تحيااااااااااااااااااتي.....


الساعة الآن 01:46 AM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM