جزل القصيد وقمة الشعر والذوق = والمركز الاول من اول وتالي
للي لهم تاريخ راقي ومرموق=لاجا مجال الطيب عند الرجالي
المدح فيهم غير ياهبط السوق =كلا على ذوقه رخيص وغالي
طبيت بحر الشعر ومزاين النوق=ومشيت في رحله جنوب وشمالي
لامالكن ناقه ولافاقدن شوق =رحله فكر وابداع والموج عالي
وذكرت شيخٍ لاوقف وقفته فوق =شيخٍ وابن شيخٍ على الروس طالي
خالد ابن نايف نصيتك بعد عوق= عوقٍ مرافقني منه ضاق بالي
انت العقاب اللي على القمه يتوق =معرب الجدين عمٍ وخالي
ماقفك غيثٍ كله رعود وبروق =منه ارتوي واشرب قراحٍ زلالي
حلحيل حلال المحابيل مخلوق = تحل حال معقدات الحبالي
ياجعل من عقبك فالخلد معتوق = مغفور ذنبه عند رب الجلالي
واقبل سلامي عد ماطاف مخلوق =وصلا بيت الله وشد الرحالي

عماش الرقعي اهلاوسهلابك نورة المندى شكرالك ع النقل الرائع وصح الله لسان الشاعر
متعب الجعفري ويستاهل المدح خالد