منتديات البدارين

منتديات البدارين (http://www.albdarain.com/index.php)
-   الرمز الخالد الشيخ نائف بن هاجد ابن راجح(رحمه الله تعالى) (http://www.albdarain.com/forumdisplay.php?f=138)
-   -   من مواقف الامير نايف بن راجح (http://www.albdarain.com/showthread.php?t=9066)

الشاعر بدر راشد 24-11-2011 08:11 PM

من مواقف الامير نايف بن راجح
 


بسم الله الرحمن الرحيم

اشترى والدى رحمة الله عليه ونيت فرد مديل57
من الامير نايف بمبلغ سته الاف وميتان ريال وعند مانتهت المبايعه قال والدي انا ماعندي
فلوس حاضره يالامير قال انتهت البيعه يابو بدر.و سدد على راحتك ولاني محدد عليك
الوقت
استلمنا سيارتنا وكان والدي اذا توفر معه شئ من المال وصله احيانا 100 او150
وبعد سنه وشهرين حسب والدي كم وصل من قيمة السياره ووجد ان الواصل 3700 ؤيال فقط ا والباقي الفين وخمسمايه2500 ريال
تضايق الوالد من المبلغ الباقي ولاعنده مقابل والامير صاحب معروف و المبايعه كانت نقد
والان مضى سنه والباقي نصف المبلغ ومنحرج من هذا الموقف.
قام من وقته وكنا بعد العشاء وراح لعمي غلاب رحمة الله عليه وهو اكبر من ابوي وفاتحه
بالموضوع قال الامير صبر من الوقت الكثير وتشاوروا قال عمي اليا صلينا الفجر
نذهب الى الامير نايف وناخذ منه مهله ولاهو مقصر ابو عبدالرحمن ,
على الموعد مشينا ابوي وعمي وانا معهم وحنا مع الطريق
قال ابوي لو كان معنا شئ من المبلغ يكون افضل قال عمي فعلا
ولكن العسر وقلة ذات اليد, لكن تنفرج باذن الله
و ماحنا طالبين مهله بل نطلبه المبلغ الباقي كامل حنا ناصين الامير ابن راجح

وصلنا الى بلغه وملفنا بيت الامير حيا فينا ورحب ولاشربنا قهوتنا الا قد طش راس الخروف
ففاتحناه بالموضوع قال يحصل خير .
رد عليه عمي قال وش تبا تعطينا يالامير
ابوعبدالرحمن قال انت يابو سعد لك خمسين ريال ونت يابو يدر لك خمسين ريال
وهو يزهم على ام عبدالرحمن
قالت نعم يالامير
قال عطيني البقشه (البقشه محفضه اللفلوس) فتح المحفظه واطلع خمسين ريال وعطاها عمي وطلع خمسين وعطاها ابوي
قال عمي يالامير حنا نطلبك من المبلغ الذي عندنا قال مالي عندكم شيا اذا تقصد اللفين والخمسمايه الباقيه من قيمة السياره
اعطيتها بدر وقد طلعت من ذمتي......
اسال الله العلي العظيم رب العرش الكريم ان يجعلها
في موازين حسناته
وش تعادل الخمسين بذلك الوقت ؟


يقول الوالد راشد بن بنيدر رحمة الله عليه
يابدر ولم على الفرت الحمر سوقه = من حمد ربي علينا مادخل غالي
علق شنودك وحط مشمعه فوقه = وليا اضلم اليل ولع نوره العالي
منصاك اميرن رفيقه تكمل احقوقه= انشهد انك يابو غضبان رجالي



الشاعر راشد بن بنيدرالبدراني





محمد بن جعيثن 26-11-2011 07:03 AM

بسم الله الرحمن الرحيم

الاخ وشاعرنا الكبير بدر بن راشد

قصه جميله وتسجيل تاريخ
ابوعبدالرحمن رحمه الله من الرجال القلائل والذين حفروا بالتاريخ سيرهم

والقصه فيه عبر وفوائد

تكاتف وتكافل بين ابناء القبيله

حرص والدك على التسديد وهذه الصفه الان اندثرت الامن قله

اشكرك شكر جزيل على ايراد هذه القصه .

ضيف اللة عوض البدراني 26-11-2011 04:24 PM

الله يعطيك العافيه يا بو راشد
الشيخ رحمه الله له مواقف
كثيره الي ترفع الراس
الله يرحمه

لــــك الود

عبدالكريم البدراني 02-05-2012 08:19 AM

رحم الله ابو عبدالرحمن وابو بدر وابو سعد
قصة تسجل بالتاريخ والله لايهينك على نقل مثل هالمواقف
القصة ماهي بكثيرة على ابو عبدالرحمن الله يرحمة له من المواقف والوقفات ماتصمت عن وصفها الالسن
رحمك الله ابا عبدالرحمن


الساعة الآن 03:25 PM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM