تكدر خاطري يا بو حسن والله عليم الغيب = ولكن القدر مكتوب ما شيء عنه محياله
وترى خطوة خبر منه الرضيع يبين فيه الشيب = وخصه فقد من هو عالي قدره ومنزاله
نعرف إن القدر ما عنه لا حيله ولا تجنيب = ومن كاتب له الله موت شاف الموت وأهواله
ولكن الحزن بالقلب يا الاجواد مابه ريب = ويجلى الهم رب عارف الانسان واحواله
رحمك الله يا شيخ الوفاء والعز راع الطيب = ابن راجح اذا عدوا رجال العرف والطاله
من شيوخ لهم وقفات عند الموجبة ما تهيب = يرد حوض المنايا ولو كبير الحمل يشتاله
لهم تاريخ في وقت مضى كم جدعوا للذئب = إذا عدت فعول القوم كل تعرف افعاله
وفي الحاضر لهم وقفات ما بين الرجال تصيب = لهم في إصلاح ذات البين جهد ماشي امثاله
ونايف من رجال الها فعول إن صار شق الجيب = يا كم حلوا ما بين الناس من قاله بعد قاله
كريم وإن لفوه الناس دايم يكثر الترحيب = شجيع من يقابل له وعزاله و عزاله
يارب الخلق يا اللي من لجالك يطلبك ما يخيب = عساه بجنة الفردوس منزاله ومدهاله
تعازينا لكل اللي يؤده من شباب وشيب = وكل اللي يحبونه من اهل الطيب وعياله

الشاعر والاخ والصديق بكل ما تعنيه الكلمه / عبدالمطلوب مبارك البدراني صح لسانك على ما قلت ، أعجز عن التعبير ولكن بارك الله فيك وأسكن من سنبقى على حزنه أبد الدهر والدنا الامير نايف بن هاجد بن راجح فسيح جناته ورحمه الله رحمة واسعة ...

الاخ الغالي عاشق بلغة
سعدت جداً بمرورك وهذه الابيات فهي اقل من القليل وقد الشيخ نايف يرحمه الله كبير
لايمكن ان نوفيه بمقالة في جريدة او قصيدة رحمه الله واسكنه فسيح جناته