منتديات البدارين - رجم الشقاء

وقت رجم الشقا من عرض من واق فيه ---وسبقوني علـى متنـه قـروم العيـال

بين نمة حسود وبيـن هـذرة سفيـه---اتّكالي علـى المحيـي عزيـز الجـلال

الوفاء ماشـيٍ بـه والـردى محتريـه---حسبي الله على الهقوه ومكـر الرجـال

والخطاب المبطّـن والسـؤال الوجيـه---كلبوهن لهـن مغـزى وجملـه تقـال

ومجلـسٍ مايقـدّر خطوتـك لاتجـيـه---حط بينـك وبينـه بـرزخ الأعتـزال

روّض النفس وأردعها عن اللي تبيـه---وكان طاوعتها غنـت علـى ليـل لال

وأعطها فرصه المسجـون لمزاوريـه---ودفها دفـة الطاغـي لمستـور حـال

قبل تفهم غلـط معنـاي عـرّج عليـه---بكره النفس تسأل عن حـرام وحـلال

يامساعد ربيع يابو فيصـل ياهييييييـه---خذ عن الوضع نبـذة ياكريـم السبـال

ياولد مـن تمـد الجـود راحـة يديـه---ياغصن دوحةٍ يلقـى تحتهـا الظـلال

مستحيجٍ الريال ووسـط جيبـي جنيـه---ولازم أصرف جنيه لحاجتـي بالريـال

أتخذت القـرار الصعـب ماقلـت ليـه---شيٍ أكبر مـن الواقـع وحلـم الخيـال

المهـم أرتكيـت بمرقـبٍ كنـت أبيـه---رغم طعن الزمان وضحكـة الأحتيـال

وأي طيب نزيـه أنـا خويـه وأخيـه---لين حمر النثايل فـوق قبـري تهـال

للشاعر / عيد بن مربح