البارحه زار الامل خافق الياس =وشاف الجروح بداخله والماسي
وشاف الغلا في داخله ماله قياس= يقول تنسا قال مانيب ناسي
يقول انسى اللي على االحب قداس=وبدل سهر عينك بحلو النعاسي
يقول خلك بدل الكاس بالكاس=وانته حزين ومن غرامه تقاسي
يقول شفته يوم يجهر بالانفاس=ويبدل اصلي الذهب بالنحاسي
يهدم بيوتن شيدتله على ساس=ولاعاد يفرق بين سهلن وقاسي
هويحسبن الحب خطن بقرطاس=مايدري انه كالجبال الرواسي
دام الامل جاني وفي كفه الفاس=وحطم امل عمري وزاد انتكاسي
ومن بعد قوله جبت ياسن ورا ياس=واقول ياحب البشر للمْْأسي
كم واحدن من فعلهم شاف الاتعاس=يسقونه العلقم معا كل كاسي
ومن يتبع االمقفي يجي مفلس افلاس =قالوه قبلي عارفين القياسي
وهذي طبوع الناس من خلقوالناس =فيهم وفيين وفيهم خساسي
واليوم صدي عنك عز ونوماس = انساك دامك بالهوا ا صرت ناسي
ولاعاد تطري لي بهمن وهوجاس =ريحت في فرقاك خمس الحواسي