الطيبه طيبه
ابدا المعاني وبسم الله سجلها = بامر الولي يسهل المعنا على لساني اهتم في وزنها واتعب واتعبها =اخذ جزيله ليامن الوعد حاني ومن بعدها نشرح القصه لهايبها =ولا والله اصد عنها يوم تنصاني وبعض السوالف ليا جتنا نجنبها = نصد عنها وراع الطيب كسباني ياما يسمعنا علوما(ن) يوم نسمعها =يثور منها غضب انسن وشيطاني كم واحدن مايحسب وش عواقبها = يجيبها لين تاقع بين الاعياني الناقصه ناقصه تحسب لجالبها = بسمه تسجل بدون اقصاه والداني والطيبه طيبه من حظ كاسبها = يفوز فيها ولوهو كان من كاني من شان لحيه كم نحشم شواربها = من شان هذا وذاك وذاك له شاني والرفقه اللي لحاجه قاضين منها = قضيت منها ورزقي عند رحماني من كثر ماشفت بالدنيا وتجاربها = اعرف خويي ولا اضحك قدم عدواني ماني وكيلن على العالم احاسبها = مالي ومال البشر رابح وخسراني ولا اتبع عيوب الخلايق لجل اعاقبها = مصيبها مصيب ومخط الناس غلطاني ورضا المخاليق غايه كيف ابا ادركها = حكمه مابين العرب في ماض الازماني الشاعر/ تركي فهد البدراني |
http://www.up4vip.com/up/uploads/0f8da85dbf.gif لسرعة التسجيل وتفعيل العضويه 1ـ التسجيل باسم لائق ويفضل الاسم الصريح (يلزمك التاكد من كتابة بريدك الالكترني ) 2 ـ تنشيط العضويه من بريدك الالكتروني (في بعض الاحيان تجد رسالة المنتدى في الجنك ميل ) 3ـ الاتصال بالرقم 0557011908 لاعطاء المعلومات والتي ستبقى سريه لن يتم الافصاح عنها |
صح لسانك ولسان تركي البدراني وياليت تكتب لنا اسمه كامل ولك الشكر تحيتي |
والرفقه اللي لحاجـه قاضيـن منهـا ........قضيت منها ورزقي عنـد رحمانـي من كثر ماشفـت بالدنيـا وتجاربهـا........اعرف خووي ولا اضحك قدم عدواني الاخ مشاري نقل رائع تحيااااااااااااااااتي |
الاخ العزيز تركي الزايد اسعدني مرورك جدااا وتقبل تحياتي وبالنسبه للاسم ( تركي بن فهد البدراني
|
الساعة الآن 08:01 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM