منتديات البدارين

منتديات البدارين (http://www.albdarain.com/index.php)
-   ديوان الشاعر عبدالمطلوب مبارك البدراني (http://www.albdarain.com/forumdisplay.php?f=86)
-   -   وين الرجال اللي تعرف أللزومي ؟ (http://www.albdarain.com/showthread.php?t=4140)

عبدالمطلوب مبارك البدراني 22-03-2008 03:54 PM

وين الرجال اللي تعرف أللزومي ؟
 

دنيا تحدتني على غير ما أطيق =وناس بها علة ووقت محمومي
همي كتمته عن جميع المخاليق = ما ودي إن الناس تعرف همومي
ما غير اعدي في طويل الشواهيق= في رأس مزموم طويل الرجومي
ناس بذا الدنيا تطافح مطافيق =كل وراء دنياه يركض ويومي
احد شبع واحد مخلى على الريق = واحد يبي فزعة عيال قرومي
واحد لحق واحد بعيد الملاحيق = واحد تحلم ضائع بالحلو مي
واحد ينادي بالترع والمطار يق= ويقول نام الحظ عيا يقومي
ناس على الدنيا شفاح مشا فيق = وين الرجال اللي تعرف أللزومي
اللي لهم ميقاف في ساعة الضيق = إن ضاق خلق قليلين العز ومي
ياعلي راحوا ما تفيد التحاقيق = ما باقي إلا مكثرين ألعلومي
دلالهم عقب الشكالة مصانيق = وصحو نهم عقب الكرم ما تحومي
وبيوتهم دايم تراها مغاليق = والضيف يبعد عن قليل السلومي
أللي ابعدوا عن الشكالة تلافيق = الله يلوم اللي لمثلي يلومي
القلب يكفخ كفخ بين المعاليق = وبالليل أراعي ساهرات ألنجومي
والفرق واضح فالرجال المطاليق = الصقر أبا الجنحان والبوم بومي




شعر : عبدالمطلوب مبارك البدراني

بنر دعائي 22-03-2008 03:54 PM


http://www.up4vip.com/up/uploads/0f8da85dbf.gif
لسرعة التسجيل وتفعيل العضويه

1ـ التسجيل باسم لائق ويفضل الاسم الصريح
(يلزمك التاكد من كتابة بريدك الالكترني )
2 ـ تنشيط العضويه من بريدك الالكتروني
(في بعض الاحيان تجد رسالة المنتدى في الجنك ميل )
3ـ الاتصال بالرقم

0557011908

لاعطاء المعلومات والتي ستبقى سريه لن يتم الافصاح عنها

الشــــــامـــخ 22-03-2008 09:36 PM

يعطيك العافيه اخوي ابو ناصر على هذه القصيده الاكثر من رائعه ,,


ناس على الدنيا شفاح مشا فيـقوين الرجال اللي تعرف أللزومي
اللي لهم ميقاف في ساعة الضيقإن ضاق خلق قليلين العز ومـي


اي والله ناس مشافيح على هالدنيا ,,

صح لسااااااااااااااااانك ,, وبيض الله وجهك وماقصررررررت ,,

مافيك حيله وفالك العافيه ,,,



مشكوووووور على القصيده الرائعه ,,

تحيـــــاتي لك...

محمد بن جعيثن 23-03-2008 10:53 AM

دلالهم عقب الشكالـة مصانيـق****وصحو نهم عقب الكرم ما تحومي
وبيوتهـم دايـم تراهـا مغاليـق****والضيف يبعد عن قليل السلومـي


دائما تحلق بنا فى سماء الابداع

صح لسانك وعلا شانك
ووفقك الله


لك الود

شجاع 23-03-2008 01:03 PM

الغالي

ابو ناصر

صح لسانك على القصيدة الرائعه

ودمت مبدعا في كافة مجالاتك

لك الود



الساعة الآن 01:15 PM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM