منتديات البدارين - وش رايكم فيها

بسم الله الرحمن الرحيم
السلام عليكم ورحمة الله وبركاته
حبيت اطلعكم على احد قصايدي اللي كتبتها قبل فتره و ابيكم تبدون اراءكم حلو هذي القصيدة بحكم انكم اعلم مني فالشعر
القصيده بعنوان ((الزعل))

ياللي تزعل و أنا ماني بغلطاني
خلك على راحتك و اللي تبي سوه
لا ترفع الخشم يوم انك تعداني
والله لتطبي و أنا ما قلت لك قوه
إن كان قصدك عبث ودك تحداني
فابشر قلب على الصدات يا قوه
نسيت يومك بعز الحب تجفاني
اقفيت ولا جاتك غيره ولا مروه
يومك تلذذ تعذيبي و حرماني
و إن جيت تلقى حبيبك منقلب جوه
إن قلت وينك حياتي قلت لي كاني
يا نار هالقلب من كاني ويا ضوه
إن كان جت غلطة وحده من لساني
الواجب انك تطوفها من الأخوه
لكن على راحتك و اليوم صحاني
أسلوبك اللي تغير للآسف توه
تكفى على هالزعل خلك على شأني
عشان تبطي و أنا ما قلت لك قوه

انا في انتظار اراءكم
اخوكم : ابن غبش البدراني