منتديات البدارين

منتديات البدارين (http://www.albdarain.com/index.php)
-   مشاعر شاعر (http://www.albdarain.com/forumdisplay.php?f=40)
-   -   اهل التعاليل (http://www.albdarain.com/showthread.php?t=8362)

مشاري البدراني 28-04-2011 01:10 PM

اهل التعاليل
 
البارحه في مجمع اهـل التّعاليـل=جماعـةٍ مستانسيـن بـوجـودي
كلٍّ يسولف لي وانا احـطّ واشيـل=فكري يراود لـه بـلاد ويعـودي
قالوا علامك قلت مانـي باالحيـل=علـيّ مردودالسوالـف تـكـودي
يوم انّها ضاقـت علـيّ المداخيـل=وفَترت من الحمل الموسّق عضودي
عـوّدت للموتـر وشغّلـت باللّيـل=أدهم ليا اسهم مثل فرخ الجـرودي
عشّقت وافترّ الكفر واقعـد الميـل=في ماقفه من قـوّ دفـع الوقـودي
قيره يحضّـر للتّـروس التباديـل=على هوى البستم وفـرّ العمـودي
ماحطّ به من مصنـع البنزماشيـل=شدّالبلـد تـوّه ترسّـم سعـودي
عطا طريق سدير يزرق كما السيل=اليـا حـدر وادٍ فروعـه سنـودي
وادٍ فحل له عـدّة اعـوام ماسيـل=وليا مشى ماينقطع عشر سـودي
رجّه من الوسمي صدوق الهماليـل=من قوّ ماطرهـا تسيـل النفـودي
على الشّجر غثوه كما دفّت الفيـل=ومن الزبد بالعود مثـل العمـودي
لي ماردٍ تضـرب عليـه التماثيـل=هدّاج مايوصـف بكـل العـدودي
ماهز جمّـه ورد قطّـان ومحيـل=لازاد ورده قـام جمّـه يــزودي
من خلقتي ماشفت مثلـه ولاقيـل=عن كلّ منهو بالجميـل محمـودي
مضر ب مثل للطّيب جيلٍ بأثر جيل=لادار بافعـال الرّجـال مـعـدودي
مـازوّد افعالـه بزيـف التماثيـل=ان كان مانقّصت منهـا مـازودي
ماتنتسولف عند بعـض الرياجيـل=ولا تنحكي لو ماعليهـا شهـودي
قـرمٍ محلّـه للنّشامـى مداهيـل=ساس السّخا من جود ربي يجودي
كم شال عنّي ماعسرني من الشيل=ليا ضيّقن روس الظلاف البـدودي



للشاعر/// فلاح بن مبرد الحميداني

الشاعر بدر راشد 29-04-2011 04:31 AM

اخوي مشاري البدراني

تسلم على النقل المتقن ولاختيار الرايع وبيض الله وجهك


وصح لسان الشاعر فلاح مبرد الحميداني




الشاعربدرالبدراني

جمال فهيد البدراني 29-04-2011 01:15 PM


الغالي والعزيز / مشاري البدراني ..
شكراً لك من الأعماق على نقل هذه الراااائعه
الحقيقة أسمتعت بقراءة قصيدة شاعر كبير وعملاق كـ فلاح بن مبرد

\

مشاري البدراني .. شكراً لك مرةً أخرى

مشاري البدراني 29-04-2011 04:51 PM

حياك الله اخوي بدر راشد


لاهنت على مرورك العطر والرائع



تحياتي

مشاري البدراني 29-04-2011 04:52 PM

هلا مليووون اخوي جمال


الله يسلمك وشاكر لك حضورك ومرورك الاكثر من رائع



تحياتي


الساعة الآن 01:48 PM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM