في حرب نجد اللي دعت فيه الأسباب
يا الله ياللي من ترجاك ما خاب .......................تجعل مقره بالجنان الضفيه عواض ابن سواد للصيت كساب ...................عواض ابن سواد ملحق خويه ياما ثناء قدام عكفان الأشناب .....................من دون ريمة ما يهاب المنيه كم فارس(ن) خلاه والخيل هراب ..............وكم جايع(ن) عشاه بارض(ن) خليه رجل الوفاء عن ساحة الحرب ما غاب ....................بالسيف والشلفاء مع البندقيه ضاري على خوض المعارك بلا حساب ......................ينحابهم من فوق بنت العبيه وفي حرب نجد اللي دعت فيه الاسباب ..................حرب العرافة في ضواحي ضريه وقف لهم بالسيف بتار الارقاب ..................أبن الرجال أهل الوفاء والحميه ريف الضيوف وريف جارة والأقراب ......................راع الكرم والجود والشاذليه فعايله يشهد بها أصحاب وأجناب .......................نرفع به الهامات زبن الونيه سجلت في مدحة من الفكر ما طاب .....................وتليق باللي يحتمي كل هيه كلمات : بــروق الأبـــرق |
حياك الله يا الاخ بروق الابرق ومليون ترحيبه
وصح لسانك وعلا شانك تحياتي لشخصك الكريم |
هلا بك يا أبو عوض وصح بدنك ... سعيد بهذا التواجد .. ., |
الشاعر بروق الابرق
صح السانك وبيض الله وجهك على القصيده الذي تعد من روايع الشعر للمانه انني حفضتها من اول ماقريتها صح السانك مره ثانيه الشيخ عواض ابن سواد رمز من رموز القبيله وعقب لنا ارث من الامجاد افعال واقوال ترفع الراس الواجب علينا حفظها وتوثيقها ولاننسى الدعى له بالرحمه الله يسكنه جنات النعيم رجل الوفا عن ساحة الحرب ماغاب=بالسيف والشلفا مع البندقيه ظاري على خوض المعارك بلاحساب=ينحابهم من فوق بنت العبيه في حرب نجد اللي دعت فيه الاسباب=حرب العرافه في ضواحي ظريه ----------------------------------------------------------------------------------------- الشاعربدرالبدراني |
صح لسانك ونتمنا مواصلة إبداعك
|
الساعة الآن 10:06 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM