سلام ياشيخ البدارين من راس= وإسمك أمير للقبيله عمومي
إمارة من جد ساس على ساس = قبل أهل اللوحات وقص الختومي
يوم الأمور ويوم دقلات الأفراس= إمارة لها مقاد ويمومي
إمارة ماجات في زين الألباس=إلا بيوم فيه ضرب السهومي
بمجابهن منه الشرايين يباس=أحد كسب له صيت وأحد محرومي
قلت الحقيقه ياأهل العرف بقياس=وعلمن عليه شهود مابه ثلومي
ماهي سوالف كتب حبر بقرطاس=نايف ولد هاجد قوي العزومي
تاريخكم يحمل من المجد نوماس=وكثر التجارب يثبتن العلومي
في مدح نايف ماتهجس تهجاس=نايف ذرانا عن لهيب السمومي
نايف بمعروفه وطيبه مع الناس=وجيه جاه وباللوازم يقومي
العقل له ميزان وشعور وإحساس=يامير يامشكاي جعلك تدومي
الله خلق للناس ميزات وأجناس=وأنته تميز بالوفاء والسلومي
مثايل ماهي تماثيل هوجاس=تبقى مع القارئ جديد الرسومي