على متن السحاب
على متن السحاب اللي رعوده تدفع البراق= سرى بوح الخفوق اللي بعيداتٍ مشاويره تلاعبه الهبايب والمخايل تجذب العشاق = ولا له عن رياض المختلف سيره ولاديره ومن خايل على نوه كفاه ان المطر حقاق= وسيله لا وطا الوادي تبي تنبت نواويره ويسقي قمري الوادي ويسقي باقي الاوراق=على ريح النفل والشمطري غنت عصافيره اسامر به خيالي كل ما حليت بالافاق= وصور واقع الاحساس وبدع في تصاويره اصافح كل ركنٍ يفرض الاعجاب والاشواق= وصرح المختلف سامي ويكرم في مساييره وحب المختلف يكبر وحبه داخل الاعماق= يهيض خاطر الشاعر ويسمو في تعابيره يترجم هاجس الاحساس حتى يرضي الاذواق=وكلٍ من خياله يكتب القصه بتفكيره سلام الله سلامٍ مع مغيب الشمس والاشراق= على صرحٍ بنا للشعر صرح وزاد تطويره اسلم والتحيه من وفاها تقنع المشتاق=على من يحفظ احقوق الرجال وطابت السيره |
اقتباس:
الاخ الغالي صنت البدراني صح لسانك مليوووون ولا يكفون قصيدة رائعة وجميلة لك فائق التحية والتقدير |
الشاعر//// صنت البدراني
صح لسانك قصيده رااائعه بروعة هذا الحضور الجميل تحياتي وتقديري |
صح لسانك .. أخي الغالي / صنت البدراني . قصيدة راااائعه جداً بارك الله فيك / وننتظر جديدك مودتي |
صح لسااااااااااانك صح لسانك ثم صح لساااااااانك
لاهنت ياصنت وأسجل اعجابي بشده قصيده جزله شدني بحرها وعذوبتها فداك اللي قصيدة ياصنت هزل وحشو ورقاق&&........................................... ............. تسلم وننتظر الجديد |
الساعة الآن 07:46 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM