منتديات البدارين

منتديات البدارين (http://www.albdarain.com/index.php)
-   مشاعر شاعر (http://www.albdarain.com/forumdisplay.php?f=40)
-   -   الشاعر ماجد البدراني يتفاعل مع (ذوق المعاني ) (http://www.albdarain.com/showthread.php?t=10429)

عبدالمطلوب مبارك البدراني 20-11-2014 12:37 AM

الشاعر ماجد البدراني يتفاعل مع (ذوق المعاني )
 

ياهاجس الشعر مثل الكيف لي مده
عطنـي فـرايــد جزيـلات معانيــهـــا
ان كان ماهــــو عـزاز البنـي ابهــده
احرص على البنية اللي صرت بانيها
الشعر كل يقــــول الشعـــر ويعــده
لكـن ذوق المعانـي عنــد راعيـهـــــا
كم شايل سلاح ماحطـه على خــده
اهل السوالـف سوالفــها تعريهــــــا
ابنصـح اللـي علـوم المـرجلـــه وده
يــوم الاوادم كثيـــــرات هقاويهــــــا
لاتصير جدر يشاف الضوء من ســـده
خلك كمـا قمـــة تتعــب مراقيهــــــا
بينـك وبيـن القريب الحبـل لاتشـــده
وثـق حبـال المـوده واحتــــزم فيهــا
والجـــار لا تغضبـه حــدك على حـده
واحفظ حقوق الرجال اللي تخاويهـــا
ودخيل بيتـك تـرى مالك عنـه صــــده
النـاس دونــــه حـذاري لا تـداريهـــــا
وابعـد عن الكـذب كله مزحـه وجــده
وكمل فـروض الصــلاة اللي تصليهــا
وان شفـت لك تايـه عجـزت لاتــــرده
خلـه يـــــروح المجنـن مـن ينـاحيهــا


وسلاااااااامتكم

عبدالمطلوب البدراني





/ هذا رد / الشاعر :ماجد ضيف الله السهكر البدراني



يابادع الشعرمثل الكيف اخذ رده #
ياللي تجيب الفريده من مصافيها ‫#‏
فرايد‬ في بناها قوه وشده ‫#‏
ماتنهدم‬ دام ابوناصر امسويها #
والشعر كل يقول الشعر ويمده #
رسايل الشعر توجد عند ساعيها #
نسمع قصايد وهرج ازريت ﻻ اعده #
ياكثر هرج العرب فاللي هرج فيها#
متبادلين النميمه والخطا مده #
ورث يورث من آباها ﻻ هاليها #
مكدة خاسره ياشينها كده #
خسران ياخال بايعها وشاريها #
حق الرفيق انتعزوا فيه وانسده #
عيب على قوم ماتحمي عوانيها#
واللي نشوفه ايسل السيف ويحده #
نكويه لجل ايتعافى من بﻻويها ‫#
‏الكي‬ ينفع اليا طال المرض مده #
هو آخرالطب والعله ايداويها #
واحبالنا مع جميع الناس ممتده #
نمشي على النور والخطوه انقديها .


ماجد ضيف الله البدراني

بن عابد 20-11-2014 01:56 AM

صح لسانك يا ابو ناصر وصح لسان الشاعر ماجد البدراني

عبدالمطلوب مبارك البدراني 25-12-2014 02:17 PM

اقتباس:

المشاركة الأصلية كتبت بواسطة بن عابد (المشاركة 58102)
صح لسانك يا ابو ناصر وصح لسان الشاعر ماجد البدراني

بن عابدسعدت بمرورك وحضورك

شجاع 11-01-2015 08:16 PM

صح لسانك يا ابو ناصر ولسان ابو زياد

عبدالمطلوب مبارك البدراني 27-02-2015 10:50 AM

صح بدنك ويعطيك العافية


الساعة الآن 12:22 PM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM