الطيب لو أنه خُـلِق خلقة إنسان= تلقاه حربي ينتمي للبدارين
و تلقاه عايش بينهم بأمن و آمان= و باقٍ عزيز بعسر الأيام و اللين
أهل الوفاء و الجود طلقين الأيمان= أهل الشكالة قوم فزعة و أهل دين
حطوا لهم في قمة المجد عنوان= عنوان ثابت ماتغير من سنين
لاقلت بدراني خرص كل شيطان=و تثقل إبهالكلمة خفاف الموازين
رمز الشهامة و الطناخة و شجعان= فريس بالماضي و حاضر و بعدين
باقي لهم فعل الوفاء شاهد أعيان=و أفعالهم بالطيب تبقى براهين
خاويتهم فترة زمن بين الأزمان= و لقيتهم نعم الرجال العزيزين
عاشوا على عز و معزة مع إيمان= ماغيرتهم عولمة عام الألفين
خويَهم دايم عزيزٍ و لاهان= و من المعزة مسكنه داخل العين
اللي يماشيهم على طول ربحان= و محشوم من زلات الأيام و الشين
و اللي يخليهم هبيلاً و خسران= و محروم من خوّة نشاماً سلاطين
مدحتهم و المدح واجب للأخوان= أهل المواقف و الشيوخ المسمين
و لاني موفّـي حقهم مدح لو كان= أبدع من الاشعار سبعة دواوين
و لا أظلم ضميري و انتقص حق عربان= كل القبائل في عيوني حشيمين
و الختم لو الطيب مخلوقٍ إنسان= من دون شك أنه سلايل بدارين