لاتتبهلل يابهلول= ملحك خرب طعم الزاد
بين الصاحي والمهبول = خلك واعي للنشاد
فيه عقول وفيه عقول= مثل السين ومثل الضاد
هرج العاقل فيه دلول= ان نقص هرجه مازاد
سولف بالقول المعسول= لاتجيب المر المقاد
كلن في قوله مشمول= ا نصاب الشي والاحاد
ثلثين العالم مذهول= بين الصادق والملاد
واهل الشيمه ناس ازحول= مايقدر فيهم نقاد
الطيب طيبه مامول= وقت الشده منه اسناد
اضرب للكايد وتطول= لاتنطر فزعة شحاد
شب النار وحط ازلول= بالمساء ضوك وقاد
جاهد بالحق المرسول= لاتسمع لاحمد نجاد
ومسك سيف وعن خيول= واربط عزمك بالاجداد
دين الله دينن مكفول =عند الله رب الاعباد
يمضي حول ويقبل حول= والسنين تكون اجداد
جوز من العلم المنطول= لاتاكل قرصن ماجاد
اخذ من العلم المشخول= ان ما فادك فاد افراد
والا روح يامشلول= خلك في فكرك منحاد