|
قصيدة الجيـــــــــــب ( راكب اللي )
راكب اللي لامشى كن مشيه في سماه يوم غيره لامشى كن في مشيه حبي لا ركبته كني اشرف على جبال السراه جيب غيره ماهويته ولاهو مطلبي جيب جي إكس آر ماظنك بتلقى حلاه ومن يقول حلاه ماودي أقول يهبي المواتر لحترامه تبي تمشي وراه ماتقدم كود من له تحية يضربي المهندس ما نمرّه ولا نبغي دواه كل شيء ٍ به وكالة جديد مركبي مايبي ياغير زيته وبنزينه وماه لو نشدته غير هذي حلف لك ما يبي صانعه لاما عرف للصيام ولا الصلاه لا عرف ربه ولا عارف ٍ هدي النبي بس مبدع بالصناعة وربي قد عطاه الذكى اشهد بعرفه ذكي ماهو غبي ماخسر من حط فيه الدراهم واشتراه لو يكده اربع اسنين باع بمكسبي قلت من يبغاله اديار والبعد يحداه وش يسوي لضلم الليل عقب المغربي قال تلقاني على الطيب واطلب ماتباه ان بغيت بوجهة الشرق ولا المغربي قلت أضنك ماتوصل لقلبي مابغاه قال اها في سد وجهي بدقني وشنبي غير توصل ديرة اللي سكن قلبك غلاه ون اراد الله لتوصل لكل اللي تبي |
الله الله صح لسانك يا ابو عبدالعزيز
قصيدة رائعة روعة حضورك يا ابن العم هذا انت تمدح الجيب ويستاهل الجيب وخاصة الموديلات الحديثة وغيرك كثير يمدحونه وابو جميل رشيد الزلامي يقول مزعله الجيب / وانا اشهد ان الجيب ما يستوي لي *** وانه حلالة قوم ماعرف طبوعه جيب ذبحني ذبح واظهر حفـــــــيلي *** كسر ضلوعي كسر الله ضلوعه تنثر زيوته مثل نثر الصمـــــــــيلي *** وحصيله اللي باللــــديتر يزوعه وانا كذلك زعلت من الجيب وارد ال84 وقلت ابيات فكاهية بصفة مراد بيني وبين الجيب وقد لاتحضرني جميعها الان وساذكر ما تختزنه الذاكرة .... ههههههه الجيب عذبني وخلص فلوسي... انشهد إن الجيب صاير بلوسي ياربعنا انا منه زايد هجوسي .... والله يالالا عازة الجيب ما اشريه الجيب هذا كاثرات بلاويــــــــة .... وكرونته راحت وضاعت مراوية ومهندسه عجزان عيا يسويه.....ــــــــــــــــــــــــــــــــــــــــ ــ قال الجيب يعاتبني // ههههههه تعود تذكرني اذا جتك المطبات .... اللي تخليك اسود الليل ماتبات ودياركم هذي رمال وملفـــات ..... ومن لايداريني تراني ما اداريه أما عراوي روح تلقى حصيلــه ... اذا جيت بالرمله لـــــــــزوم تشيله راعيه بالرمله يرفع شليلــــه ..... أنا اشهد انه خاسر من ركب فيه طبعا الجيب خصمني وصحيح اشتريت عراوي وتعبني بالرمال لكم فائق احترامي |
صح ألسانك اخوي اأبو عبدالعزيز أبيات في قمة الروعة
|
صـــــــح الـســــــــــانك يابو عـــــــــبد الــــــــعزيـــــــز
انـــــــــته طيــــــــــــب ولاتعـــــــــــشق غــــــــير الطيــــــــــــب الشاعربدرالبدراني |
| الساعة الآن 09:52 PM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
