|
قصة كفاح لاحد رجال الاعمال (قصه رائعه)
مساكم الله بالخير....
كان فيه واحد من الاغنياء عنده ثروه كبيره جدا جاه واحد من الشباب قاله ممكن تقول لي كيف جمعت كل هالثروه قال الغني شوف اول شي لازم يكون عندك صبر وعزيمه وكفاح يقول انا يوم كنت كبرك كنت فقير ما اقدر اجيب عشاء لاهلي ويوم من الايام جاني واحد وعطاني تفاحه تصدق علي فيها لاني ميت جوع فكرت وقلت ليه انا ما ابيعها يقول قمت ونظفتها وخليتها تلمع من النظافه وبعتها بريالين وشريت بالريالين تفاحتين ونظفتهم وبعتهم باربعه ريال يقول يوم صار اخر الشهر الا انا معي 50 ريال تحمس الولد مع السالفه وقال ايوه كمل وش سويت بالخمسين ريال وقال اشتريت بالخمسين ريال كرتونين تفاح كل كرتون فيه 40 حبه وبعت كل حبه بريالين وصار معي 160 ريال وتحمس الولد زياده وقال هاه ويش سويت في 160 قال اشتريت بمية ريال كفن و60 ريال بقت معي وصل الحماس لا قصى درجاته وقال كمل وبعدين ويش سويت بالكفن وال 60 قال بس مات ابو زوجتي وعطيته الكفن وعطاني بدال الكفن 10 مليون ريال ورث والا انت مصدق انت ووجهك ان تفاحه بتسوي كل هذا |
ابن شنوت مقلب حلووووووووو لكن فيه مثل شعبي معروف : ((من استهان بالقليل ماجمع الكثير)) تقبل خالص التحايا .... |
الغالي ابن شنوت السلام عليكم ورحمة الله وبركاته تسلم اخوي على هذه القصه الممتعه والتي تحمل في طياتها مقلب جميل ومضحك. ولكن اخي اعتقد ان من سار على الدرب وصل ولا يستهين الشخص بالقليل ولكن يسعى لتنميته. تقبل ارق التحايا |
هههههههههههههه
ههههههههههههههههه ههههههههههههههههههه حنا تحمسنااا عاد كيف الشاااب بس حلو المقلب ومشكووووووووووووووور |
| الساعة الآن 08:01 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
