منتديات البدارين

بسم الله الرحمن الرحيم

يابدر
كل ماقلت انتهى الهم يابدر استدار

وابتدى يابدر باالقلب الاقشر من جديد

ما ترده لا عظام الضلوع ولا الستار

ولا يرده حاجز الصدر لو هو من حديد

يا بدر يا خال وش تا ليت دنيا الدمار

بيدتني يا ابو خالد و عيت لا تبيد

نزلتني عقب ماكنت في وكر الحرار

واحذفتني يابدر من ورا صبخا زبيد

انجمت من ادراجي وضيعت المسار

كن في يديني سلاسل و في رجلي قيد

بعد كنت مع اكبر القوم خاويت الصغار

و من بطاقات التميز رجعت بلا رصيد

ظلمت دنياي حولي و انا نص النهار

بس مهما صار لي ماقتنعت اني بليد

يابدر ماهي غريبه لامن الوقت جار

كل حاجه تقهر الرجل منها يستفيد

كان ما جبت الثمينه وثبت العيار

تبت عن فتل المعاني وحرمت القصيد

الشاعر
عبد الله بن منور البدراني