صارت ربوع المملكة عندنا غير
صارت ربوع المملكة عندنا غير = من فضل خالقنا عزيز ألجلالي هل السحاب وفرحوا الناس بالخير= هلت هما ليله جنوب وشمالي في نجد يا كثر الفرح والتباشير =جات العشا يا من صدوق الخيالي احدٍ يقول السيل جانــا محاديـر = واحدٍ يقول الماء مع السد عالي وحتى الحجاز بفضل ربي تياسير = غيث وطا رأس الجبل والسهالي وشرق البلاد يزين فيه التعابير = في كل وادي قالوا السيل سالي وطابت تعاليل البدو والمسايير = يازين جلستهم بجنب الدلالي بجنب الدلال اللي تشاعل مباهير =كيف يقدم من يدين العيالي والعود الازرق بينهم ياعلي دير= يدار به ما بين جمع الرجالي ودارت سواليف الرجال المشاهير = والكل ينصت للعلوم الجزالي حييت ياذكر الوجيه المسافير= ذكر الرجال اللي تظف الهيالي اللي ما تعجزهم صعاب وعواسير = يحلونها ما يحسبون الريالي من دون واجبهم ما حطوا معاذير= اذا نصاهم من همومه ثقالي |
صح لسانك واعتلا شانك
لك تحياتي |
الغالي بن عابد صح بدنك
لك تحيتي وتقديري |
صح لسانك يابو ناصر متميز دايما |
الساعة الآن 08:32 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
mamnoa 4.0 by DAHOM