ياهلا (خاطرة )
 

يا هلا في ربعنا اللي يشرحون الخاطر=
لاعتزينا دون واجبهم لهم ميقافي
كلهم عز وظفر والله عليم وخابر=
مابهم من تقصر رجوله عن المشرافي
من قديم إن قامت الهيجاء وثار الثاير=
ما ذكر فيهم رخوم ولا رجال ضعافي
بالزمان اللي كثير الناس دمه فاير=
فعلهم بين الخلايق يذكر وينشافي
ما نقول الا الصحيح وعلم واضح ناير=
قلتها من قلب للصافين دايم صافي
ما جحدنا حق أحد يوم الزمان الجاير=
للرفيق قلوبنا طول السنين نضافي

صح لسانك يا ابو ناصر وسلم بنانك

لك تحياتي

الغالي بن عابد

صح بدنك وسعدت بمرورك العطر

لك فائق احترامي

الاخ عبدالله مناور البدراني
صح بدنك ويعطيك العافية