اطلق سراح الرضا وانعم بلذاته=مافي الزعل خير لاتزعل وتزعلني
الحب لاتشتكي وتعد غلطاته=اذكر جميل الغلا واقنع وكلمني
القلب لك بالغلاخضرمساحاته=ارع النوامي ولابالبعدتشغلني
راع الهوى مايدور غير مشهاته=اعدل معك بالمحبه انت تظلمني
ماهوب قلبي معك يلعب بغاياته=ماكنه اليوم لاروحي ولامني
لاتاخذ الهاجس الخايف بنياته=حاول تخالف شكوك النفس وافهمني
لاتحرق القلب يالغالي بحسراته=ان كان يرضيك زود الشوق فامهلني
حبي خباير حراير من معاناته=ياليتك بهم حبي لك تقاسمني
ولو يدرك اللي يبيه الحي مافاته=لقيتك بحبك الاول تعلمني
ون كان شككت في قلبي وغاياته=عندك قضات الهوى والحب حاكمني