منتديات البدارين

منتديات البدارين (http://www.albdarain.com/index.php)
-   مشاعر شاعر (http://www.albdarain.com/forumdisplay.php?f=40)
-   -   الادمي ضيـف والدنيـا معازيبـه 000 (http://www.albdarain.com/showthread.php?t=716)

فزاع البدراني 30-11-2006 06:14 AM

الادمي ضيـف والدنيـا معازيبـه 000
 



السلام عليكم

أسعد الله أوقاتكم بكل خير

أهدي هذه القصيده لجميع من يقرأها ويتأمل فيها



قال الذي قاس من ماضي تجاريبـه = له مدةٍ صفحة الماضـي يراجعهـا
الوقت مـادام صافيـةٍ مشاريبـه = لابد من ساعـةٍ تشكـى مواجعهـا
الادمي ضيـف والدنيـا معازيبـه = والضيـف لازم معازيبـه يودعهـا
لو شاف من ثغرها بسمه وترحيبه = لابد روحه ملاك المـوت نازعهـا
شيٍ كتب في سجلـه لازم يصيبـه = اقـدار الامـه موقـةٍ مدافعـهـا
واللي تذم البخت وانتـه تسابيبـه = مقياس جيد السلع جودة مصانعهـا
مـا كـل طيـرٍ يعشنـه مخاليبـه = ولا كل لقمه تسد لجـوع جايعهـا
كم مستريبٍ ولا بانت بـه الريبـه = وكم من نزيهٍ عبات الشـك قنعهـا
السيل غير مساره عـن مساريبـه = روس الخليقه مشت مع درب تابعها
بيت الشكـالات مرخـيٍ فطانيبـه = اهل الودايع تخلت عـن ودايعهـا
ولاعاد للبعـض لاقيمـه ولاهيبـه = من يوم بعيونهـا بـادت طبايعهـا
وصار القياس الحقيقي للرجل جيبه = والناس شالت ضررها في منافعهـا
من زاد ماله لزوم تزيد اصاحيبـه = لو صملته لا لفحها القيض ميعهـا
ومن قل ماله تبا تكثـر عذاريبـه = لو كان لا كبرت الدعـوى يسنعهـا
يقل سعر الفشق سبـت مكاذيبـه = وتوزن حمول الاصايل من تهجرعها
والرجل ما يشبل الا فـي ذواهيبـه = ماهو عصا للبشـر ويـرد تايعهـا
مايعترض كلمـةٍ ماطلعـت شيبـه = بضاعـةٍ بيـن سايمهـا وبايعهـا
من يعترض في نحاة السيل ينحيبه = لو كان نفسه هواهـا مايزعزعهـا
رحاة جاشٍ برمها الوقـت ولهيبـه = وفاعت هجوس الفكر من حر لايعها
من صلوها قلط الكيـف لشواريبـه = فنجال من دلـةٍ مالوقـت طايعهـا
عقدٍ من اللول منظـوم اللواعيبـه = في جيد من ذيروها مـن مراتعهـا

الشاعر / سعود القت


دمتم سالمين

فزاع البدراني
0
0
0

ساري 30-11-2006 05:40 PM

الاخ الغالي فزاع

السلام عليكم ورحمة الله وبركاته

صح لسانك ولسان قايلها قصيده معبره وجميله

تقبل اصدق التحايا

عادل البدراني 30-11-2006 06:17 PM

الاخ

فــزاع البــدرانــي



قصيدة جزيله

الله يعطيك العافيه على الاهتمامك الرائع

وصح لسان الشاعــر/ سعــــود

فزاع البدراني 30-11-2006 11:44 PM



الإخوان الأعزاء

ســــاري & عادل

يعطيكم العافية وشكرا ً

تقبلوا تحياتى
0
0
0


عبدالعزيز البدراني 01-12-2006 01:10 AM

وصار القياس الحقيقي للرجل جيبه
والناس شالت ضررها في منافعها
من زاد ماله لزوم تزيد اصاحيبه
لو صملته لا لفحها القيض ميعها
ومن قل ماله تبا تكثر عذاريبه
لو كان لا كبرت الدعوى يسنعها


صح قولك ومنقولك ولاهنت اخوي فزاع

تقبل تحيتي وسلامي


الساعة الآن 12:24 AM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM