منتديات البدارين

منتديات البدارين (http://www.albdarain.com/index.php)
-   مشاعر شاعر (http://www.albdarain.com/forumdisplay.php?f=40)
-   -   البارحة عني لذيـذ الكـرا فر (http://www.albdarain.com/showthread.php?t=3458)

احمد بن حزام البدراني 01-11-2007 10:48 PM

البارحة عني لذيـذ الكـرا فر
 
هذه قصيدة جميله لشاعر حرب سبيل بن سند الحصني رحمه الله


البارحة عني لذيـذ الكـرا فـر=واللي حداه وحال بينـي وبينـه
أبو ثمان غـر ومجـدل أشقـر=الموت شيـال الجنايـز بعينـه
قبله وأنا مامـن حياتـي تكـدر=بالي ولا ادري ما قع الهم وينـه
واليوم عبرات الضماير تكسـر=عزي لمن كـن العبايـر جبينـه
يا عود ريحان مع الهيف يفتـر=من وين ما هب الهواء جاب لينه
نبي تحت حروة رجاك إنتصبـر=ونجاحد اللي كـم لنـا جاحدينـه
باللون والحليا حلايـاه مخطـر=العرف ما يعرض على عارفيـن
يركا على جمر الغضاء لين يحتر=ويصي به من عينة الجمر عينـه
يا عونة الله غادٍ أشعل ومحمـر=الله على من شـال همـه يعينـه
ينساق من بين المعاليـق ويجـر=لين يتعلق فـي مـلازم وتينـه
واطي حالي طي حاله ليا صـر=من حر ما يوجس وهم صابرنيه
يا فاعل السّيّة عليـك الله أكبـر=والله ماقعد لـك كذيّـا رهينـه
بيني وبينك بيرق الحرب ينشـر=ما نيب عبد لك هلـك مشترنيـه
ومسامحينك بالخطأ لا تعـذر=ناسٍ قعـود بيوتكـم عاقلينـه
عساك يا راع القعود المشـذر=تركب عليه ولا أدرج جنينـه
إلاّ أني آخذ رادتـي وتبختـر=يسلم جملك وساعةٍ ما هي شينه
وأقول لا شفتوا ندامة ولا شر=واقرأ لكم عمّا وتبارك بطينـه
مرافقٍ تقل در ونمانن تقل ذر=والكل مايلقـى خويـه حتينـه

وتقبلوا تحياتي

عبدالمطلوب مبارك البدراني 02-11-2007 12:22 AM

الاخ ابو حزام

قصيدة رائعة وتسلم يمناك و صح لسانك

ولسان الشاعر سبيل بن سند

والله يعطيك العافيه

لك الود

ابن شنوت 07-11-2007 05:11 PM

عساك يا راع القعود المشذر
تركب عليه ولا أدرج جنينه
إلاّ أني آخذ رادتي وتبختر
يسلم جملك وساعةٍ ما هي شينه
وأقول لا شفتوا ندامة ولا شر
واقرأ لكم عمّا وتبارك بطينه
مرافقٍ تقل در ونمانن تقل ذر
والكل مايلقى خويه حتينه

الاخ العزيز احمد بن حزام البدراني
صح لسانك على النقل الرائع
ورحم الله شاعر حرب سبيل الحصني
واسكنه فسيح جناته
وتقبل تحيااتي,.,.

احمد بن حزام البدراني 07-11-2007 08:11 PM

الاخوان
عبدالمطلوب بن مبارك البدراني
وابـــن شنوت

اسعدني تواجدكم من خلال الصفحة

وتقبلوا تحياااااااااتي

عادل البدراني 08-11-2007 12:35 PM

الاخ الغالي

ابو حزام

قصيدة جزله من شاعر جزل ومتمكن

رحم الله الشاعر سبيل بن سند الحصني

والله يطول في عمركـ ويعطيك الصحه والعافيه

على ها الاختيار الرائع


الساعة الآن 12:34 PM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM