مع طريق الغار مدري ويش اسوي = خط متلوي ولا فيه استقامة
ما يكدر يا جماعه صفو جوي = غير وان جتني مع الطرقة عسامه
وإن تعبت من الطريق اشب ضوي = واضبط الدلّه لأجل للكيف قامه
لي خوي نّوه مـــوافق لنـــــــوي = كلنا نمشي على عز وكرامـــه
ما نخاوي واحد عقله مهوي = وما لحقنا في مواقفنا مــــلامــــه
إن لقيت اللي لهم صيت مدوي = خاوهم وابشر لراسك بالسلامة
من زمان مع السفر ماني بتوي = له قوانينه ولا نجهل نضامه
والصديق افزع معه وارهب عدوي = والله أنه ما يشوف الابتسامة
صدق بعض امراض يلزمها المكوي = وللمكاوي لازم تحط العلامه
ودامت الرجال بالعرف أمتروي = ما يجي له بالطريق أي انهزامه

الاخ الغالي ابو عبد الله
الله يعين الجميع
سعدت جدا بمرورك العطر
لك فائق التحية والتقدير