منتديات البدارين - مساجلة شعرية بين عبدالمطلوب البدراني والشاعر مبيريك الحريبي الحربي

مساجلة شعرية
البدع: عبد المطلوب مبار ك البدراني

قــم يانديبي يا حسين الهنـــاديـــــب=العلـــم ما يخفاك دقـــــه وجلّــــــــه
اخذ الخطاب ووصــله ماكر الطيب= اللي الكرم والطـــيب عنده جبـــــلّه
رجــــل إذا جـــيته كثيــر التراحيب =الشيـــخ أبــــو مــرزوق كل يدلـــــــّه
رجــل يحل المعضلات الصـواعيب= وإذا انعـــقد حـــبل القضـــايا يفلّــــه
من ربعة ما يسهــــجون المواجـــيب=يفرح إذا جاء الضيف داخل محلـــــــــّه
وما هو من اللي يغلق الكيس والجيب =من دون ماجو به عطا المال كلّــــــــه
يا خال آنا من وقتنا جــــــاني الشيب= وحتى الرضيع يشيب مما حصـــــلّـــــه
وقت عوج به عيب وش يعدل العيب= وإذا قبلنـــــــــا بالعواجه مذلـــــــــــّه
شبابنا يضـــــحك وفيهم عذاريـــــــب= مســلســـل وكـــــــوره وفلم وشلّـــــه
وحتى الكبار أهل الظهور المحاديب= بتجارة الأســــــهم سبــــــــاع مجلّـه
يعطيك جنبه ما يعرف المطاليــــــب= المال جابه ما عرف كيف حلّـــــــــــه
جالس يحسب غارق بالتحاسيـــــــب= وفي كــل شارع له عمــــارة وفلــــــّه
وحتى النساء ضاههن طوال الاشانيب= كـــــل تبي في رأيها مستقلــــــــة
والله علينا يالســـــــنافي مكاتيــــــب= الرجل كنــــــّه واطــي فوق ملّـــــــــــــه
أنشهد انه وقت خبث المشاريــــــب= أريد رأيك بانشــــره بالمجلـــــــــة
وصلاة ربي عد نبت الاشاعيــب=على النّبي اللي دعا لخير ملّـــــــــه

الرد من الشاعر مبيريك بريك الحريبي الحربي

حي الجواب اللي لفاني بترتيب =حلو العسل من مستقل المطلة
نقاه من علاه فوق المراقيب=عن كل شيء في طريقه يخله
من شاعر دايم سريع المهاذيب=الطيب له وألا الردى يستزله
من عند أبو ناصر حسين الأساليب=اللي أليا جيته دواء كل عله
اللي يقول الوقت فيه التعاجيب=وأزريت من جور الدهر لاحتمله
باصبر وكني وسط نار لوا هيب=من ما بوسط القلب مثل الاخله
لاباس من شكواك وانته ولد ذيب=ياقف وصعبات القضا ينحنلّه
لو كل من مال الدهر فوقه يعيب=والله كثير من البشر يستحله
اخذ النصيحة من كثير التجاريب=اللي يعد سنينها بالاهله
اترك شباب ماوراهم مكاسيب=عليك تنصح من لسانك وقله
قله ترى وراه موت وتعذيب=يوم ما يضلّه غير رب يضله
إما الرجال أشكال فيهم معا طيب=وان قلت نبغي نكتتب قال لله
يخاف من كثر ألحكي والتلاعيب=واليا اغتنى عن الشبه أفضل اله
وفيهم اللي غير يلهف وبيجيب=كل بسيفه قدم الأسهم يسله
رأي النساء يخطي بعض حال ويصيب=كل تمس الحبل تبغي تتله
الوقت والله ما يجذ العراقيب=مير العرب كل يبي يستحله
صلّم عدد ما يطلع سهيل ويغيب=على نبي تابعه ما يمله