منتديات البدارين

منتديات البدارين (http://www.albdarain.com/index.php)
-   مشاعر شاعر (http://www.albdarain.com/forumdisplay.php?f=40)
-   -   هذه مساجله المطرفي الهذلي وبين المؤرخ فايز موسى البدراني (http://www.albdarain.com/showthread.php?t=2664)

محمد ابراهيم البدراني 29-06-2007 10:48 PM

هذه مساجله المطرفي الهذلي وبين المؤرخ فايز موسى البدراني
 
ألا ياهل العيرات كيرانهن والدرب= على نجد سجو فوقهنه من القبله
على ضمر حم المناكب بنات العرب= وابوهن قميران المسمى وتسب له
حراير هذيل أهل النضاء والقضاء والحرب =إلى من دخان المعارك نثر وبله
قطام الفخوذ منسعات الوروك وسرب =عجار الكراسع طلق الايدي ومسبله
من العشب كارب شامخ الني فيهن كرب =رعت في صفار عقيربانه وفي ربله
زهتها السفايف والميارك وشغل ذرب ,=وعصبان غزلان الأشدة تعصب له
دماث القطي هكب المرادف خفاف ودرب =تهوجل على صوت المحدي وتطرب له
عطوا شرق نخله والمحاني ومروا ثرب =وداورد والصفراء وحسيان والعبله
وردوا على ديار المعزة بهن من قرب =على دار رجل زاد مع طيبته نبله
على فايز الموسى القطامي مورخ حرب =هجوس المعالق من ضميري تقانب له
أهل ماقف بين القبايل عزيز وذرب =بيوت الصخاء لطمة عدو تزهب له
وعسى صاحبي تفداه قوم الحلوق الجرب =هل الماكر اللي كل بوم يتجاذب له
هواهم تجاميع الحكي والأكل والشرب =والأنظار منتكسه والافكار منعبله
ليا جيت تجمع جاب قسمة وراحت ضرب =خسارة خزايز مجد الابطال يكتب له
ونبا منك راي في حلوله يقص الدرب =يرد النكيف من اليمامة إلى القبله


ورد عليه الشاعر فايز بن موسى بهذه القصيدة الرائعة

بدينا بذكر مفرج الهم عقب الكرب =فلارب من بعده ولارب من قبله
هلا بالركاب اللي تبارن مثل السرب =من هذيل جت من معدن المجد واصطبله
أهل ماضي يشهد عليه العجم والعرب =واهل حاضر كل الاجاويد تحسب له
زمان مضى يوم الطوابير تسرب سرب =وبيرق هذيل بساحة المجد يضرب له
سلامي لكم ياهذيل من شرقها للغرب =عدد مانشى مزن وماهل من وبله
لصالح دخيل الله نرد الثناء عن حرب =كما قال بن حثلين من طاب لك طب له
نرد الثناء من خاطر للمعاني طرب =عميل الوفاء نشري قباله ونطرب له
وأبا اعطيك موجز عن تقارير جيش الصرب =كبار الجسوم الفارغه فرغة الطبله
هل السود والمنقود واهل الخنا والزرب =خطاة البليد اللي على غاربه حبله
إلى شفت زوله قلت حاتم ومعدي كرب =والا اوحيت نطقه قلت خبل ولد خبله
شجاع على ربعه إلى قام ينفخ ذرب =سميعٍ مطيعٍ في هوى لابس الدبله
وفداك الذي في عرض الاجواد يضرب ضرب =إلى ماكسب غرات الاجواد تكسب له
يتله عميل السوء تل الرشاء للغرب =هوى النفس يركض له وابو عين يشعب له
وفداك الذي عايش حياته معيشة خرب =شقاه برخاه وطامنٍ للوطا شبله
يحسب الرجوله بين زل ومكيف شارب =على ناعم المركا وزاده يقرب له
عسى واحد ماهام درب العلا للترب =عسى النذل في كل المجالس يترب له
عدو الرفاقه والقرابه صديق الغرب =قليل التعب للخير والشر يتعب له
إلى من بليت بقربهم بايعين القرب =عليك الصبر والصابر الفوز يكتب له

والسلام عليكم ورحمة الله

عبدالمطلوب مبارك البدراني 29-06-2007 11:35 PM

الاخ البدراني 2007 مساجلة طيبة ونقل طيب



وصح لسان الشاعرين المطرفي الهذلي والاستاذ



فائز بن موسى البدراني على القصيدتين ولك


التحية والاحترام .

عبدالمطلوب مبارك البدراني 29-06-2007 11:39 PM

الاخ البدراني 2007 مساجلة طيبة ونقل طيب



وصح لسان الشاعرين المطرفي الهذلي والاستاذ



فائز بن موسى البدراني على القصيدتين ولك


التحية والاحترام .

محمد عبدالمحسن البدراني 30-06-2007 06:25 AM

الاخ العزيز البدراني 2007


سلمت يمناك على نقل القصيدتين للشاعر الهذلي وللشاعر فايز البدراني.

بيض الله وجهك ولك تقديري.

اخوك محمد البدراني.

السيسبان 30-06-2007 08:18 AM

الرائع


البدراني 2007

سلمت يداك على النقل الجميل

وصح لسان الشاعرين


لك خالص الود


الساعة الآن 03:45 PM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM