|
يازين عفره عند شيخ البدراين
هذه القصيدة للشاعر/سعود بن دعيع الزغيبي الحربي وهي مهداة للأمير /نايف بن راجح شيخ شمل قبيلة البدراين
سميت بسم اللي عباده مصلين =تخاف من بطش النفوس وعذابها اللي خلق آدم من الرمل والطين=جميع خلقه جابها واعتنى بها اللي فرض سورة تبارك وياسين =تقرى بها شيبانها مع شبابها ومن بعدها نويت اغني ببيتين=اشرح معانيه وافسر جوابها ولاكل من عبر يصيب النياشين =الله اعلم في خطاها وصوابها سيرت مسيار لبلغه على الزين =يم الرجال اللي عزيز جنابها أنا مسير واخوياي معزومين =عندالرواجح عز حي اعتزابها سلام يانايف سلام المحبين=عداد من زار الديار ومشابها وعداد ماتنور زهور البساتين =وعداد ماهل المطر من سحابها اقولها والله من اول وهلحين =مافيه حي علومكم مادرى بها يامنقدين الكيف بين الحكيمين=كم دلة بالكيف عفتم شرابها فريس ورجال على الضد قاسين =والين من الديباج لمن التجى بها احبهم عقب الشيوخ المسمين =عقب الرواجح للعدى يندعابها شلف على قب سوات الشياهين =بيدين ربع مايعالج صوابها قدام شرع الله وحكم السلاطين =قوم تجي للبل يطول عذابها الله يعز اللي نصر راية الدين =وقضى على الفتنه وقفل بوابها امر بشرع الله وعدل الموازين =وعاشت حصانيها وخاوت ذيابها والعنصره راحت وتطييرة العين =ديار عقب الخوف كل رعابها اللي مضى كل يحد السكاكين =تلقى محازمها تصفط ثيابها دنيا تصارعهم على العسر واللين =ومن الشقا دايم تواجف ركابها نوب فقيرين ونوب غنيين=تاخذ ويوخذ نوب توخذ زهابها لوماحضرنا سامعين العناوين =الأخذ والماخوذ كلى حكى بها ميه وخمس سنين حنا مخدومين =بأمن وامان ولانطرد سرابها قمنا نتجاكر بالفلل والملايين =وكل قنع بارزاق الله جابها ماهمنا اللا ذاك زينن وذاشين =كل رضى في قسمته وارتضابها دار اليقين وسار بقلوبنا الدين=وعفنا شقى الدنيا وقو اكترابها اللي قبل عدوان صاروا محبين =في نعمة الاسلام زارت اصحابها قالوا لنا سجوا لشقح مزايين =شوفوا وصايفها وشوفوا آدابها لاصدت القعده على يسار ويمين=جت هاربه كن المجوخ عدى بها يازين عفرن عند شيخ البدارين =يازين نظرة رووسها وارقابها مالقطوها بين بايع وشارين =اتلاد راعيها تعمق ضرابها شفنا فحلها يسام منه بملايين =ولاهو بايع خايف من خرابها لله در اللي على الوضح شفقين =ماقيل خربها الفحل واسيابها لو أني املك مثلها بس ثنتين =مااقلد اللي معه ميه حسابها اناغني ماقصدي اوفي بها الدين =مير استحب الزين واللي سعى بها عزالله انا يبن راجح مقرين =انتم هل الابل محتمين عقابها ابن رشيد اللي بغاها معيين =من دونها ربع تفتل شنابها اليااختلط عج الرمك والشياطين =ياكثر ماشقت عليهم ثيابها وصلوا على خاتم جميع النبيين =عداد ماخط الحروف وقرابها |
عزالله انا يبـن راجـح مقريـن ********انتم هل الابل محتميـن عقابهـا ابن رشيد اللـي بغاهـا معييـن********من دونها ربـع تفتـل شنابهـا بيض الله وجهك يا أبن راجح وصح لسان الشاعر سعود الزغيبي والامير/ نايف يستاهل كل علما غانم وقليله بحقه الله يطول عمره لاتحرمنا من القصائد الطيبه فالرجال الطيبين مثل هالقصيدة الجزله تسلم والله لايهينك |
الغالي ابن راجح
السلام عليكم ورحمة الله وبركاته: مشاركه تدل على حس الاختيار للشاعر والقصيده سيرت مسيار لبلغه على الزيـن== يم الرجال اللـي عزيـز جنابهـا أنا مسير واخويـاي معزوميـن ==عندالرواجح عز حـي اعتزابهـا تقبل صادق الود |
الاخ / ابن راجح تسلم على حسن الاختيار و بيض الله وجه الشاعر المبدع/ سعود الزغيبي ــــــــــــــــــــــــــــــــــــــــــــــــــ ـــــــــــ يازين عفرن عند شيخ البداريـن==يازين نظرة رووسهـا وارقابهـا ــــــــــــــــــــــــــــــــــــــــــــــــــ ــــــــــــــــــ لو أني املك مثلهـا بـس ثنتيـن== مااقلد اللي معـه ميـه حسابهـا تقبل احتلرامي0 |
الاخ العزيز ابن راجــح بيــض الله وجهــك الله يعطيك العافيه وصح لسان الشاعر/ سعود الزغيبي
شفنا فحلها يسام منـه بملاييـن =ولاهو بايع خايف مـن خرابهـا لله در اللي على الوضح شفقيـن= ماقيل خربهـا الفحـل واسيابهـا لو أني املك مثلها بـس ثنتيـن= مااقلد اللي معـه ميـه حسابهـا اناغني ماقصدي اوفي بها الديـن= مير استحب الزين واللي سعى بها عزالله انا يبـن راجـح مقريـن= انتم هل الابل محتميـن عقابهـا |
| الساعة الآن 09:24 AM. |
Powered by vBulletin® Version 3.7.1
Copyright ©2000 - 2024, Jelsoft Enterprises Ltd.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
خريطة الموقع
mamnoa 4.0 by DAHOM
