منتديات البدارين - وجــــــــــار المعاميل

بنات فكري يا علي داعبنه=وبدعت من فكري جزال التماثيل
دعاهن الفكر المشقى وجنه=في ساعة متاخره تالي الليل
هجس دعاهن بالغلا واشغلنه=كل السبب راعي العيون المظاليل
اللي ملكهن بالغلا واملكنه=علي الشرف ماهو مغازل مهابيل
مير الظروف اللي حدني حدنه=غير الولع ما ادركت منهم محاصيل
وحصل الفراق وصار بالصدر ونه=واشر وداع ومثله اشرت تمثيل
اقفا وانا قفيت لاتحسبنه=يرجع عقب ماراح لو صحت با الحيل
يا علي ماتنصح فوادن بلنه=اظني انسى ما مضى وارقد الليل
وادله مثل مايدلهون الأجنه=و انسى الولع مع لابسات الخلاخيل

قصيدة الشاعر/ فيصل مقعد العياضي

رد الشاعر / علي زيد البدراني

بنات فكري للقصيد جذبنه=جذب السواني للدلي بالمحاحيل
من فوق طية منهل (ن) ياردنه=شيب الغوارب مبعدات الجماميل
وهاض الغرام وهاجسي هيضنه=شواردن تنهل من اليم والنيل
يسوقهن فكري قلايع لفنه=ولايحتكرهن عن عقول الرياجيل
فيهن نجاري فيصل بدون منه=يوم اشتكى اللي تكحل الطرف بالميل
غيد ن تسن بمهجته فرض سنه=لوكان ماساقت عليه الفناجيل
تسحب بنظرات الولع من تضنه=يطيرلوجسمه كبر جثة الفيل
سطاء هواها بقلب فيصل وعنه=وبفراقهاغنى جدادالمواويل
ويبغى يتناساها بكلمة محنه=لو هو على درب الهواء يحط ويشيل
وهذي غلاها مايكن بمكنه=تمحاه نظرة مثلها مقيم ومحيل
لو ان قلبه,مانسى من رمنه=ولاينتعالج جرح سودن مظاليل
قبلك فوادي يابن مقعد خذنه=يومنبه بيدينهن تقل منديل
ولوعذبنه كنه بوصط جنه=الارض تخضر عقب يجرح بها السيل
وانت انشد اللي بالثمانين سنه=عود ن مضاله بالليالي غرابيل
سود الليالي بالتجارب سننه=عاصر حيات الجيل الاول وهالجيل
يوم السنين الاوله لاوعنه=يركض ويرمي في نحاهن محابيل
واليوم نجره للنشاما يدنه=ماعاد يزحف عن وجارالمعاميل