يامل قلب(ن) يسج وفيه دولاجه =من هاجس(ن) بالضماير قام يدرجها
في معزل(ن) عن جميع الخلق وازعاجه =ماسْمع من الناس لو تكثر لجالجها
ماغير اهوجس تقول مضيع(ن) حاجه =آخذ واسند على روحي واهرجها
وادوج لو كان مارجلي بدواجه =ادلّه النفس لين الله يفرجها
يالله يالي بيدك الضيق وافراجه =ياخالق الخلق يا قاضي حوايجها
تفرج لعين الذي أغفت بسوهاجه =تجهز عليها الطواري لين تزعجها
بالصدر ضيقه ونوم العين هملاجه =عيني من العام والسهر متولجها
نوب(ن) سهرها شديد ونوب نهاجه =ومر(ن) تكن الدموع ومر تزعجها
عليك ياللي بقلبي كن وهاجه =وهاج نار(ن) هوى الغربي يسارجها
أبو ثمان(ن) تشاد اللولو لعاجه =كن البرد يوم يضحك في مفالجها
ياروح روحي وجرح القلب واعلاجـه =الطف بحال(ن) عليك الهم ساهجها
قلبي يناجيك باسلوب الهوى .. ناجه =يشكي لك الحال داخلها وخارجها
اما التفت لي وتم الوصل بمواجه =والا بلا عشرة(ن) هذي نتايجها
وش ينفعك من حنين القلب وخلاجه =وجروحي اسبابها انت ولا تعالجها

يالله يالـي بيـدك الضيـق وافراجـه =ياخالق الخلـق يـا قاضـي حوايجهـا
تفرج لعيـن الـذي أغفـت بسوهاجـه =تجهز عليها الطـواري ليـن تزعجهـا
بالصدر ضيقه ونـوم العيـن هملاجـه=عيني مـن العـام والسهـر متولجهـا
نوب(ن) سهرها شديد ونـوب نهاجـه=ومر(ن) تكن الدمـوع ومـر تزعجهـا

ياروح روحي وجرح القلب واعلاجـه=الطف بحال(ن) عليـك الهـم ساهجهـا
قلبي يناجيك باسلوب الهـوى .. ناجـه=يشكي لك الحـال داخلهـا وخارجهـا
اما التفت لي وتـم الوصـل بمواجـه=والا بـلا عشـرة(ن) هـذي نتايجهـا