منتديات البدارين

منتديات البدارين (http://www.albdarain.com/index.php)
-   قصص واشعار البدارين (http://www.albdarain.com/forumdisplay.php?f=18)
-   -   قصيدة ابن زويبن في شيخ شمل قبيلة البدارين (http://www.albdarain.com/showthread.php?t=7166)

الحر النداوي 14-05-2010 03:22 PM

قصيدة ابن زويبن في شيخ شمل قبيلة البدارين
 
قصيدة الشاعر الكبير \ عبدالله بن زويبن الحربي


في


الشيخ \ نايف بن هاجد بن راجح


شيخ شمل قبيلة البدارين

راكب اللي صانعينه ماهم عربه ** عالمن في قوته صنع موهوبه

شركته منتجوها تقل يسعربه ** كل عين تهمل السوق مسحوبه

منوت اللي طق جوله من الغربه **والخطر من ديرتة جاه مندوبه

جاه علم(ن)بفرح اللي يبشربه **والزمن قاسي والأصحاب باروبه

العلامة ترشد اللي تحيربه **سبعت(ن)في مقدم البدي مقلوبه

في سماء مجد الصناعات تشهربه **من سببها شركت الجمس مضروبه

لكزس(ن) كل المزايا توفربه ** والشواعير المشاهير غنوبه

مايرده عاتي الريح عن دربه **يتزلج عن زواياه وجنوبه

وجهه ياسايق الغرب وانحربه ** شايب(ن) ناره على العز مشبوبه

شايب(ن)في ساعة الضيق والكربه ** يذكره من كدر الوقت مشروبه

نايف اللي كل ربعه تفاخربه ** وسيرته عند الأجانيب محبوبه

القسى عن واجبة ماتعذربه ** كل ضيف مايقصر بماجوبه

والكرم راعيه يذكر ويشكربه ** مثل ماينقال للعفن والكوبه

وان هرج وسط الرياجيل من ذربه ** سكتوا كل الحضور وتوحوبه

المراجل كلبوها تمحوربه ** وشيخته ماهي نبيته ومغصوبه

يتبعه جمع(ن)عصا العز تكسربه ** الثقيل يخف وزنه لياوموبه


قدمه اللي يروي السيف والحربه ** والمشوك واشهب الملح له شوبه

كم خصيم(ن)من دياره قلع سربه ** عرضه حر التويبع ولاهوبه

وقفته يوم الضياغم نوو حربه ** مثل ميقاف العوارض بمشذوبه


كل ماجت سربت(ن) خلفها سربه ** عودة من قوة الضرب مرعوبه

من قسى وضرب ربعه ومن ضربه ** راحت الغلبا هاك اليوم مغلوبه

شيخهم جا للطمع لاكن اعذربه ** ماغزا واد الرمه من هكا النوبه

العرب ماتدخل البيت مع خربه ** جيته مع مقدم البيت مطلوبه


والقصيدة عكسها لاتفسربه ** ثم تشره وأنت شرهتك محسوبه

كلنا من دون زيد وعمر قربه ** والدلايل بالتواريخ مكتوبه


والرجل مايقبل اسمه يغيربه **ولايلابسله ثوب(ن) ماهو ثوبه




وســوف أقوم بإنزال القصيدة بصوت الشاعر قريباً إن شاء الله






بن عابد 15-05-2010 01:04 AM

الاخ الحر النداوي

بارك الله فيك وصح لسان الشاعر ابن زويبن ويستاهل الشيخ نايف بن راجح كل خير

قصيدة وافية وننتظر انزالها بصوت الشاعر

جمال فهيد البدراني 15-05-2010 01:21 PM



صح لسان .. الشاعر / عبدالله بن زويبن
والشيخ / نايف بن راجح (الله يطول بعمره على الطاعه) ، يستاااهل المدح والثناء ولاشك في ذلك .

/

الحر النداوي .. شكراً لنقلك لنا هذه الرااائعه
وبالتأكيد نتتظر إنزال القصيده بصوت الشاعر


دمت كما تحب

سلمان الحجيلي 15-05-2010 05:42 PM

صح لسان قايلها وصح لسان نا قلها

ويستاهل الشيخ نايف بن راجح الله يمتعه بالصحة والعافية

مشكور أخي الكريم الحر النداوي

تحياتي وتقديري

أخوكم

سلمان ناشي الحجيلي

الحر النداوي 16-05-2010 12:57 AM

السلام عليكم ورحمة الله وبركاتة

قصيدة الشاعر / عبدالله بن زويبن بصوته


الساعة الآن 05:03 AM.

Powered by vBulletin® Version 3.7.1
Copyright ©2000 - 2024, Jelsoft Enterprises Ltd.

::ترقية وتطوير شركة النداوي::

  

Preview on Feedage: %D9%85%D9%86%D8%AA%D8%AF%D9%8A%D8%A7%D8%AA-%D8%A7%D9%84%D8%A8%D8%AF%D8%A7%D8%B1%D9%8A%D9%86 Add to My Yahoo! Add to Google! Add to AOL! Add to MSN
Subscribe in NewsGator Online Add to Netvibes Subscribe in Pakeflakes Subscribe in Bloglines Add to Alesti RSS Reader
Add to Feedage.com Groups Add to NewsBurst Add to Windows Live Rojo RSS reader iPing-it
Add to Feedage RSS Alerts Add To Fwicki Add to Spoken to You
Feedage Grade D rated Add to Alesti RSS Reader
RSS RSS 2.0 XML MAP HTML
Site Map
خريطة الموقع

Security byi.s.s.w

 

mamnoa 4.0 by DAHOM